MWCDF

(၂.၇.၂၀၂၅)ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဋ္ဌ၊ ဒုဥက္ကဌနှင့် ဗဟိုအလုပ်အမှုဆောင်များသည်  နေပြည်တော်၊ ဇမ္ဗူသီရိမြို့နယ်၊ ဘောဂသိဒ္ဓိရပ်ကွက်၊ ကစ္စပနဒီလမ်းနှင့် တော်ဝင်ရတနာလမ်းကြား၊ သစ်ခွလမ်းတွင်ကျင်းပပြလုပ်သော ၂၀၂၅ ခုနှစ်၊ ဇူလိုင်လ ၃ ရက်နေ့တွင် ကျရောက်မည့် မြန်မာအမျိုးသမီးများနေ့ကို ဂုဏ်ပြုကြိုဆိုသောအားဖြင့် မြန်မာနိုင်ငံလုံးဆိုင်ရာ အမျိုးသမီးကော်မတီကကြီးမှူး၍ သစ်ပင်စိုက်ပျိုးပွဲအခမ်းအနားကို တက်ရောက်၍ သတ်မှတ်နေရာအသီးသီးတွင် ပျိုးပင်များကို စုပေါင်းစိုက်ပျိုးပေးခဲ့ကြပါသည်။

၁.၇.၂၀၂၅ ရက်နေ့တွင် မြန်မာနိုင်ငံ အမျိုးသမီးများနှင့်က​လေးသူငယ်များ ဘဝမြှင့်တင်​ရေးအသင်း (ဧရာဝတီတိုင်း)ရုံးဖွင့်ပွဲအခမ်းအနားကို ၂၀၂၅ ခုနှစ်၊ ဇူလိုင်လ(၁)ရက်၊ နံနက်(၈:၀၀)နာရီတွင် ကျင်းပပြုလုပ်ရာ ဧရာဝတီတိုင်း​ဒေသကြီး ဝန်ကြီးချုပ်နှင့်ဇနီးတို့မှ တက်​ရောက်၍ ဖဲကြိုးဖြတ် ဖွင့်လှစ်​ပေးခဲ့ပါသည်။

၁.၇.၂၀၂၅ ရက်နေ့တွင် တောင်ကြီးမြို့၊ မြို့တော်ခန်းမ၌ ရှမ်းပြည်နယ် အမျိုးသမီးကော်မတီမှ ကြီးမှူးကျင်းပသော ၂၀၂၅ ခုနှစ် မြန်မာအမျိုးသမီးများနေ့အထိမ်းအမှတ် အသိပညာပေးဟောပြောပွဲသို့ ရှမ်းပြည်နယ်(တောင်ပိုင်း) အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်ကေသီအောင်နှင့် အလုပ်အမှုဆောင် ၅ ဦးတက်ရောက်ခဲ့ပြီး ဥက္ကဌ မှ “အမျိုးသမီးဘဝဖွံ့ဖြိုးဖို့စီးပွါးရေးကို ပိုမိုဆောင်ရွက်စို့ “ ခေါင်းစဉ်ဖြင့်ပါဝင်ဟောပြောခဲ့ပါသည်။

၁.၇.၂၀၂၅ ရက်နေ့တွင် ရှမ်းပြည်နယ်(တောင်ပိုင်း) အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်ကေသီအောင် နှင့် အလုပ်အမှုဆောင် ၅ ဦးတို့သည် တောင်ကြီးမြို့၊ မြို့တော်ခန်းမ၌ ကျင်းပပြုလုပ်သော ၂၀၂၅ ခုနှစ်၊ မြန်မာအမျိုးသမီးများနေ့အထိမ်းအမှတ်၊ တက္ကသိုလ်ပေါင်းစုံ လှယဉ်ကျေးမယ်ပြိုင်ပွဲနှင့် ဆုချီးမြှင့်ခြင်းအခမ်းအနားကို တက်ရောက်ခဲ့ကြပါသည်။

၁.၇.၂၀၂၅ ရက်နေ့တွင် နေပြည်တော်တိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း ဥက္ကဌနှင့် အလုပ်အမှုဆောင်များသည် နေပြည်တော်ကောင်စီ ဇမ္ဗူသီရိခန်းမတွင် နေပြည်တော် အမျိုးသမီးကော်မတီမှကြီးမှူးကျင်းပသော မြန်မာအမျိုးသမီးများနေ့ အကြိုလှုပ်ရှားမှုအခမ်းအနားကို တက်ရောက်ခဲ့ကြပါသည်။

၁.၇.၂၀၂၅ ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များဘဝမြှင့်တင်ရေးအသင်း မှ ဥက္ကဋ္ဌ၊ ဒုဥက္ကဋ္ဌ၊ အတွင်းရေးမှူး၊ ဗဟိုအလုပ်အမှုဆောင်များနှင့် နေပြည်တော် အမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်းမှ အဖွဲ့ဝင်များသည် နေပြည်တော်၊ ဒက္ခိဏသီရိမြို့နယ် မြန်မာနိုင်ငံ အမျိုးသမီးရေးရာအဖွဲ့ချုပ်ရုံး သီရိရတနာခန်းမ၌ကျင်းပပြုလုပ်သော မြန်မာအမျိုးသမီးများနေ့ အထိမ်းအမှတ်အကြိုလှုပ်ရှားမှု “ ယဉ်ကျေးဝေဆာမေမြန်မာ၊ မျိုးဂုဏ်မပျက်ဝတ်ဆင်လျက်” ဝတ်စားဆင်ယင်မှုပြပွဲနှင့် ဂီတဖျော်ဖြေပွဲ အခမ်းအနားကို တက်ရောက်အားပေးခဲ့ပါသည်။