Myanmar Women and Children Development Foundation
(၂၈.၈.၂၀၂၀)နေ့တွင် ရှမ်းပြည်နယ်(မြောက်ပိုင်း) MWCDF အသင်းမှ ဥက္ကဌနှင့်အဖွဲ့ဝင်များသည် မန္တလေးဆေးရုံကြီးတွင် ဆေးကုသမှုခံယူနေသော အသင်းဝင်/တွဲဘက်ဘဏ္ဍာရေးမှူး ဒေါ်လှိုင်နန္ဒာကျော်အား ထောက်ပံ့ငွေနှင့် အာဟာရ Brand ငှက်သိုက်၊ ဟောလစ်၊ အိုဗာတင်းများ ထောက်ပံ့လှူဒါန်းခဲ့ပါသည်။
(၂၆.၈.၂၀၂၀)နေ့၊ ပဲခူးတိုင်း MWCDF အသင်း ဥက္ကဌနှင့်အဖွဲ့ဝင်များသည် ပဲခူးမြို့၊ ဝါတွင်းအဖိတ်နေ့တွင် ဆွမ်းခံကြွတော်မူသော သံဃာတော်များနှင့် သီလရှင်များအား ဆွမ်းဆန်တော်နှင့် နေ့ဆွမ်း- မျှစ်ချဉ်ဟင်း၊ မုန့်လုံးရေပေါ် အချိုပေါင်မုန့်များ လောင်းလှူခဲ့ပါသည်။
(၂၅.၈.၂၀၂၀)နေ့တွင် MWCDF အသင်းမှ ဘဏ္ဍာရေးမှူးနှင့် CEC အဖွဲ့ဝင်များသည် ဧရာဝတီတိုင်း၊ ဇလွန်မြို့နယ်၊ တောင်ပို့တရာကျေးရွာ၊ အမရဝတီဘုန်းကြီးကျောင်းသို့ သွားရောက်၍ ဦးစီးပဓာနဆရာတော်ထံ ဝါဆိုသင်္ကန်း၊ ဝတ္ထုငွေနှင့် လှူဘွယ်ပစ္စည်းများ ဆက်ကပ်လှူဒါန်းခဲ့ပါသည်။ ထို့နောက် ဘုန်းကြီးကျောင်းဝန်းအတွင်းရှိ တန်ဆောင်းအတွင်းတွင် ဒေသခံကျေးရွာမှ အမျိုးသမီးများအား “အမျိုးသမီးများ ကျန်းမာရေးဆိုင်ရာ ဆောင်ရန်ရှောင်ရန်နှင့် သိထားသင့်သော အကြောင်းအရာများ” အကျယ်တဝန့် ဆွေးနွေးပြောကြားခဲ့ပါသည်။ ဆက်လက်၍ ကိုယ်ထူကိုယ်ထ လျှပ်စစ်မီးလင်းရေးအတွက် ကျေးရွာမီးလင်းရေးကော်မတီထံ အလှူငွေများ လှူဒါန်းခဲ့ပါသည်။
(၂၃.၈.၂၀၂၀)နေ့တွင် ရန်ကုန်တိုင်း MWCDF အသင်း ဥက္ကဌနှင့် အဖွဲ့ဝင်များသည် သုံးခွမြို့နယ်၊ ရဲနွဲ့ကျေးရွာရှိ ပညာရေးထူးချွန်ပြီး ပညာသင်ယူရန် အခက်အခဲရှိနေသည့် အမွှာကျောင်းသူ(၂)ဦးအား တစ်နှစ်စာ ပညာသင်စရိတ်ထောက်ပံ့ခြင်းနှင့် သုံးခွမြို့တွင် ဆောက်လုပ်ဆဲ ဘိုးဘွားရိပ်သာအတွက် အလှူငွေများ လှူဒါန်းခဲ့ပါသည်။
(၂၁.၈.၂၀၂၀)ရက်နေ့တွင် မွန်ပြည်နယ်၊ မော်လမြိုင်မြို့တွင် ကျင်းပြုလုပ်သော မွန်ပြည်နယ် အမျိုးသမီးကော်မတီ ၂/၂၀၂၀ လုပ်ငန်းညှိနှိုင်းအစည်းအဝေးသို့ မွန်ပြည်နယ် MWCDF အသင်းဥက္ကဌမှ တက်ရောက်ဆွေးနွေးခဲ့ပါသည်။
(၂၁.၈.၂၀၂၀)ရက်နေ့တွင် မြန်မာနိုင်ငံအမျိုးသမီးများနှင့်ကလေးသူငယ်များဘဝမြှင့်တင်ရေးအသင်း မှ ဒုဥက္ကဋ္ဌနှင့် CEC အဖွဲ့ဝင်များသည် ဥတ္တရသီရိမြို့နယ်၊ စလောင်းအုပ်စု၊ ငန်းစပ်ကျေးရွာ ရွှေဟင်္သာ ကျောက်တိုက်သို့ သွားရောက်၍ ကျောင်းထိုင်ဆရာတော် ဓမ္မာစရိယ ဦးပဏ္ဍဝအား ဖူးမျှော်ကန်တော့ပြီး ဘုရားဆင်းတုတော်၊ ဝါဆိုသင်္ကန်းကပ်လှူခြင်းနှင့် ၀တ္ထုငွေ(၅၀,၀၀၀)ကျပ်၊ ဘုရားပန်း၊ ဆိုလာမီးအိမ်၊ ဆန်၊ ဆီ၊ မုန့်များ လှူဒါန်း၍ ဆရားတော်ထံမှ တရားနာယူခဲ့ကြပါသည်။ ဆက်လက်၍ ဒုဥက္ကဌနှင့် CEC အဖွဲ့ဝင်တို့သည် ငန်းစပ်ကျေးရွာမှ အမျိုးသမီးများနှင့်တွေ့ဆုံကာ အသင်းအကြောင်း ရှင်းလင်းပြောကြားခြင်း၊ မိမိကျေးရွာဖွံ့ဖြိုးရေးအတွက် ပရဟိတစိတ်ဝင်စားသူများ အနေဖြင့် အသင်းဝင်အဖြစ် လျှောက်ထားနိုင်ကြောင်း
