Myanmar Women and Children Development Foundation
၇.၆.၂၀၂၅ ရက်နေ့တွင် နေပြည်တော် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဋ္ဌနှင့် အလုပ်အမှုဆောင်များသည် နေရပ်စွန့်ခွါတိမ်းရှောင်နေရသော မိသားစုများ၏ သားသမီးများကို KG မှ Grade 12 အထိ ပညာသင်ကြားရေး အထောက်အပံ့အဖြစ် ကျောပိုးအိတ်၊ စတီးချိုင့်၊ ရေဗူး၊ ဆွဲခြင်း၊ လေးကြောင်းမျဉ်းစာအုပ်၊ ဗလာစာအုပ်၊ ခဲတံ နှင့် ကျောင်းဝတ်စုံများကို ကျောင်းသား/ကျောင်းသူ ၃၉ ဦးအတွက် စုစုပေါင်းလှူဒါန်းမှု ၁၅ သိန်းကျပ်ထောက်ပံ့လှူဒါန်းခဲ့ပါသည်။
၉.၆.၂၀၂၅ ရက်နေ့တွင် လူမှုဝန်ထမ်းဦးစီးဌာန၊ အစည်းအဝေးခန်းမ၌ ကျင်းပပြုလုပ်သော ၂၀၂၅ခုနှစ်၊ ဇူလိုင်လ(၃)ရက်နေ့တွင် ကျရောက်မည့် မြန်မာအမျိုးသမီးများနေ့အခမ်းအနားကျင်းပနိုင်ရေးအတွက် အကြိုညှိနှိုင်းအစည်းအဝေးကို မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဗဟိုအလုပ်အမှုဆောင် ဒေါက်တာကြူကြူအေး နှင့် ရုံးအဖွဲ့ တက်ရောက်ခဲ့ပါသည်။
၅.၆.၂၀၂၅ ရက်နေ့တွင် မကွေးမြို့၊ မြို့တော်ခန်းမ၌ ကျင်းပပြုလုပ်သော ၂၀၂၅ ခုနှစ်၊ ကမ္ဘာ့ပတ်ဝန်းကျင်ထိန်းသိမ်းရေးနေ့အခမ်းအနားကို မကွေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အဖွဲ့ဝင်များ တက်ရောက်ခဲ့ပါသည်။
၁.၆.၂၀၂၅ ရက်နေ့တွင် ကချင်ပြည်နယ်၊ လူမှုဝန်ထမ်းဦးစီးမှူးရုံး၌ ကျင်းပပြုလုပ်သော ၂၀၂၅ ခုနှစ်၊ မြန်မာအမျိုးသမီးများနေ့အကြိုညှိနှိုင်းအစည်းအဝေးသို့ ကချင်ပြည်နယ် အမျိုးသမီးများနှင့်ကလေး သူငယ်များဘဝမြှင့်တင်ရေးအသင်းမှ ဥက္ကဋ္ဌ တက်ရောက်ဆွေးနွေးခဲ့ပါသည်။
၁.၆.၂၀၂၅ ရက်နေ့တွင် မန္တလေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဋ္ဌ၊ အတွင်းရေးမှူးနှင့် အဖွဲ့ဝင်များသည် သီလရှင်စာသင်သား ၁၀၀ ကျော်ရှိသော ငလျင်ဒဏ်သင့်မြဝတီသီလရှင်စာသင်တိုက်ကြီးသို့သွားရောက်၍ ငလျင်ဒဏ်ကြောင့်(၄)ထပ်ကျောင်း ဆောင်ကြီးမှာ အောက်(၂)ထပ်ပြိုကျပျက်စီးခဲ့မှုများကြောင့် ဖြိုချ၍ပြန်လည်ဆောက်လုပ်ရန်အတွက် သီလရှင်ဆရာကြီးထံ အလှူငွေ ၇ သိန်းကျပ် လှူဒါန်းခဲ့ပါသည်။
၃၁.၅.၂၀၂၅ ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဋ္ဌဒေါက်တာဝေဝေသာ၏ဦးဆောင်လှူဒါန်းမှု၊ ပဲခူးတိုင်းဒေသကြီး တိုင်းဥက္ကဋ္ဌဒေါ်ခင်ဝတ်ရည်နှင့် အဖွဲ့ဝင်များစုပေါင်း၍ သဘာဝဘေးရှောင်/စစ်ရှောင်မိသားစုများထံသို့သွားရောက်၍ အဝတ်အထည်များနှင့် စားသောက်ကုန်ပစ္စည်းများကိုတန်ဘိုးငွေကျပ် ၁,၂၅၀,၀၀၀/-ခန့်သွားရောက်လှူဒါန်းခဲ့ကြပြီးနောက် နှစ်သိမ့်ဆွေးနွေးခြင်းနှင့် အားပေးစကားများပြောကြားခဲ့ပါသည်။
