Myanmar Women and Children Development Foundation
(၁၉.၇.၂၀၂၀)နေ့တွင် ကရင်ပြည်နယ် MWCDF အသင်း ဥက္ကဌနှင့် အဖွဲ့ဝင်များသည် Covid-19 ကာလ အတွင်း ဘားအံမြို့၊ သီလရှင်ကျောင်း(၃)ကျောင်းသို့ အခြေခံစားသောက်ကုန်များ၊ မြိုင်ကလေးမူကြိုကျောင်းသို့ အာဟာရအစာခြောက်ထုပ်များ၊ ကမမောင်းအနီး ထီးကျောခီး အ.မ.က ကျောင်း၊ မဲသဲခီး အ.ထ.က ကျောင်းခွဲရှိ ကျောင်းသား/သူများအား စာရေးကိရိယာများ သွားရောက်လှူဒါန်းခဲ့ပါသည်။
(၁၈.၇.၂၀၂၀)နေ့တွင် ချင်းပြည်နယ် MWCDF အသင်း ဥက္ကဌနှင့်အဖွဲ့ဝင်များသည် Covid-19 ကာလ အတွင်း ဟားခါးမြို့၊ LAKHU Children Center ကျောင်း၊ ဇိအုန်လူငယ်ဖွံ့ဖြိုးရေးပရဟိတဂေဟာ၊ ဗက်ဇသာ မသန်စွမ်းသူများဘဝ ဖွံ့ဖြိုးတိုးတက်ရေးအသင်း၊ သုခိတာရုံ သီလရှင်ကျောင်းများသို့ စားသောက်ကုန်များ၊ အကာအကွယ်ပစ္စည်းများ သွားရောက်လှူဒါန်းခဲ့ပါသည်။
(၁၇.၇.၂၀၂၀)ရက်နေ့တွင် ပဲခူးတိုင်းဒေသကြီးအစိုးရအဖွဲ့ရုံးတွင် ကျင်းပပြုလုပ်သော ကလေးသူငယ်အခွင့်အရေးများဆိုင်ရာ ကော်မတီ၏ လုပ်ငန်းညှိနှိုင်းအစည်းဝေးကို မြန်မာနိုင်ငံ အမျိုးသမီးများနှင့် ကလေးသူငယ်များဘဝမြှင့်တင်ရေးအသင်း(ပဲခူးတိုင်း) ဥက္ကဋ္ဌ နှင့် ခရိုင်ဥက္ကဋ္ဌ တို့ တက်ရောက်ဆွေးနွေးခဲ့ပါသည်။
(၁၈.၇.၂၀၂၀)နေ့တွင် ပဲခူးတိုင်း MWCDF ဥက္ကဌနှင့် အဖွဲ့ဝင်များသည် Covid-19 ကာလအတွင်း ပဲခူးမြို့၊ ပြည်သူ့ဆေးရုံကြီးသို့ သွားရောက်၍ (၃)မြွာပူးမွေးဖွားသော မိခင်နှင့်ကလေး၊ အခြားသော မွေးဖွားမိခင် နှင့်ကလေးငယ်များအား ဆေးဝါးနှင့် လိုအပ်သော အသုံးအဆောင်ပစ္စည်းများ လှူဒါန်းခဲ့ပါသည်။
(၁၅.၇.၂၀၂၀)ရက်နေ့တွင် MWCDF အသင်းမှ အတွင်းရေးမှူးနှင့် CEC အဖွဲ့ဝင်များသည် ဥတ္တရသီရိမြို့နယ်၊ မအူလေးပင်ကျေးရွာ၊ ရွာဦးဘုန်းကြီးကျောင်းသို့ သွားရောက်၍ ကျောင်းထိုင်ဆရာတော်ထံ ဝါဆိုသင်္ကန်း၊ ဝတ္ထုငွေနှင့် လှူဖွယ်ပစ္စည်းများ လှူဒါန်းခြင်း၊ ကျေးရွာရှိ အသင်းဝင်များနှင့် စာကြည့်တိုက်တွင် တွေ့ဆုံ၍ Covid-19 ကပ်ရောဂါ ကာကွယ်ထားရှိမှုအခြေအနေနှင့် ကျန်းမာရေးနှင့်အားကစား ဝန်ကြီးဌာနမှ ထုတ်ပြန်ထားသော ရောဂါကာကွယ်နည်းများကို စနစ်တကျလိုက်နာကြရန် မှာကြားခဲ့ပြီး အဖွဲ့ဝင်များအား အလှူငွေ၊ Mask ၊ ဆပ်ပြာဘူးနှင့် ဝတ်စုံများ ပေးအပ်လှူဒါန်းခြင်း၊ မသန်စွမ်းညီမ(၂)ဦးထံ အကာအကွယ်ပစ္စည်း များနှင့် အစားအသောက်များ လှူဒါန်းခဲ့ပါသည်။
မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း(MWCDF) ကို စတင်တည် ထောင်ခဲ့သည့် (၁၄.၅.၂၀၁၃)ရက်အထိမ်းအမှတ် အနေဖြင့် ဇူလိုင်လ(၁၄)ရက်နေ့တွင် ဥတ္တရသီရိမြို့နယ်၊ သားဖွားမီးယပ်အထူးကုဆေးရုံကြီးတွင် တက်ရောက်ဆေးကုသခံနေသော လူနာများအား နေ့လည်စာ-ထမင်း၊ ကြက်သားဟင်း၊ မုန်လာဥချဉ်ရည်ဟင်းတို့ဖြင့် အသင်း CEC များမှ အာဟာရဒါနပြု သွားရောက် ကျွေးမွေးလှူဒါန်းခဲ့ပါသည်။
