Myanmar Women and Children Development Foundation
(၁၃.၇.၂၀၂၀)ရက်နေ့ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ဒုတိယဝန်ကြီး ဦးဆောင်မှုဖြင့် ကျင်းပပြုလုပ်သည့် မြန်မာနိုင်ငံရှိ အမျိုးသမီးများ၏ ဘဝတစ်လျှောက် အတွေ့အကြုံများလေ့လာမှု စစ်တမ်းကောက်ယူနိုင်ရေး Online Virtual Consultation Workshop ကို မြန်မာနိုင်ငံအမျိုးသမီးများနှင့်ကလေးသူငယ်များဘဝမြှင့်တင်ရေးအသင်းမှ တွဲဘက်အတွင်းရေးမှူး အဖွဲ့တို့ တက်ရောက်ခဲ့ကြပါသည်။
(၁၁.၇.၂၀၂၀)ရက်နေ့တွင် မကွေးတိုင်း မြန်မာနိုင်ငံအမျိုးသမီးများနှင့်ကလေးသူငယ်များဘဝမြှင့်တင် ရေးအသင်း(MWCDF)မှ အလုပ်အမှုဆောင်များနှင့် အဖွဲ့ဝင်များသည် ရေနံချောင်းမြို့၊ လင်းလက်မြေ ပညာဒါန ဘုန်းတော်ကြီးသင်ပညာရေးကျောင်းသို့ သွားရောက်ကာ ဆရာတော်ထံ ဆန်(၂ )အိတ်၊ ဆီ(၂၀)ပိဿာ လှူဒါန်းပြီးနောက် ကျောင်းဝင်းအတွင်းတွင် ကျွန်းပင်၊ မယ်ဇလီ၊ စိန်ပန်းလေး၊ စိန်ပန်းကြီး၊ ဇီးဖြူပင်၊ လျှော်ဖြူ၊ ခရေပင်၊ ရေတမာပင် စုစုပေါင်းပျိုးပင်ပေါင်း(၁၃၀ )ပင်ကို စုပေါင်း စိုက်ပျိုးခဲ့ကြပါသည်။
(၇.၇.၂၀၂၀)ရက်နေ့၊ MWCDF အသင်းမှ ဒုဥက္ကဌနှင့် CEC အဖွဲ့ဝင်များသည် ဥတ္တရသီရိမြို့နယ်၊ ရတနာစံပြ(ဘ.က)ကျောင်းသို့ သွားရောက်ပြီး Covid-19 ကာလ ဖြစ်သည့်အတွက် ကျောင်းထိုင်ဆရာတော်ထံ ကျောင်းဖွင့်ကာလတွင် အသုံးပြုရန် လိုအပ်နေသော အပူချိန်တို်ငး ကိရိယာ ဝယ်ယူရန် ဝတ္ထုငွေ၊ သက်န်း၊ လှူဘွယ်ခြင်း၊ ဆိုလာ မီးအိမ်၊ ဖယောင်းတိုင်၊ လက်ဆေးဂျယ်၊ Mask များနှင့် အခြေခံစားသောက်ကုန်များ လှူဒါန်းခဲ့ပါသည်။
(၇.၇.၂၀၂၀)ရက်နေ့၊ MWCDF အသင်းမှ ဒုဥက္ကဌနှင့် CEC အဖွဲ့ဝင်များသည် Covid-19 ကာ မိုးရာသီကာလအတွင်း ပျဉ်းမနားမြို့၊ ဇေယျာရာမပရိယတ္တိစာသင်တိုက်ရှိ သီလရှင်ဆရာကြီး၊ ဆရာလေးများ ဆွမ်းဆန်တော် အလှူခံကြွရောက်ရန် ခက်ခဲမှုရှိနေသည့်အတွက် အထောက်အပံ့ဖြစ်စေရန် ရည်ရွယ်ကာ စာသင်တိုက်သို့ သွားရောက်ပြီး သီလရှင်ဆရာကြီးထံ နဝကမ္မဝတ္ထုငွေ၊ လှူဘွယ်ခြင်း၊ သီလရှင်ဝတ်စုံများ၊ ဆိုလာ မီးအိမ်၊ ဖယောင်းတိုင်၊ လက်ဆေးဂျယ်၊ Mask များ၊ လစဉ်သုံးထုပ်များနှင့် အခြေခံစားသောက်ကုန်များ လှူဒါန်း ခဲ့ပါသည်။
(၄.၇.၂၀၂၀) ရန်ကုန်တိုင်း MWCDF အသင်းမှ သုံးခွမြို့၊ ခေမာကံမြင့် ကြယ်တံခွန် သီလရှင်သင် ပညာရေးကျေင်းသို့ ဆွမ်းဆန်အိတ်၊ ဆီ၊ ကြက်ဥ၊ ငါးသေတ္တာ၊ ဆပ်ပြာမှုန့်နှင့် Mask များ လှူဒါန်းခဲ့ပြီး သီလရှင်လေးများ၊ ကျောင်းသားလေးများအား ကျန်းမာရေးစစ်ဆေးပြီး ဆေးကုသပေးခဲ့ပါသည်။
(၃.၇.၂၀၂၀)ရက်နေ့ မြန်မာနိုင်ငံအမျိုးသမီးများနှင့် ကလေးသူငယ်များဘဝမြှင့်တင်ရေးအသင်း (MWCDF)မှ ဒုဥက္ကဋ္ဌ ဒေါ်စုညွန့်ဦးနှင့် အတွင်းရေးမှူး ဒေါ်မေမြင့်မောင်တို့သည် မြန်မာနိုင်ငံလုံးဆိုင်ရာ အမျိုးသမီးကော်မတီက နေပြည်တော် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၊ အစည်းအဝေးခန်းမ၌ ကျင်းပပြုလုပ်သော ၂၀၂၀ပြည့်နှစ်၊ မြန်မာအမျိုးသမီးများနေ့ အထိမ်းအမှတ် အခမ်းအနားသို့ တက်ရောက်ခဲ့ပါသည်။
