MWCDF

၇.၂.၂၀၂၅ ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဋ္ဌနှင့် အဖွဲ့ဝင်များသည်ပဲခူးမြို့၊ ရွှေဂူလေးအလင်းစစ် လူငယ်ဖွံ့ဖြိုးရေးကျောင်းသို့ သွားရောက်၍ ကျောင်းရှိဆရာတော်နှင့် သံဃာတော်များအား ဆွမ်းကပ်လှူပြီး ကျောင်းသား/သူ မူကြိုကလေးများအား သင်ထောက်ကူပစ္စည်းနှင့် ကစားစရာများပေးအပ်လှူဒါန်းခြင်းနှင့် ကျောင်းစာကြည့်တိုက်အတွက် စာအုပ်များလှူဒါန်းခဲ့ကြပြီး အသိပညာပေးဟောပြောပွဲလေးပြောကြားကာ လက်ကမ်းစာစောင်များ ပေးအပ်ခဲ့ပါသည်။ ထို့နောက်ကျောင်းရှိ ဆရာမများနှင့် ဘက်စုံသုံးဆပ်ပြာအဆီ၊ ခေါင်းလျှော်ရည်တို့ကို အဆင့်မီထုတ်လုပ်နိုင်မှုများကို ဆွေးနွေးခဲ့ကြပါသည်။

၄.၂.၂၀၂၅ ရက်နေ့တွင် မကွေးတိုင်းဒေသကြီး ကျန်းမာရေးလူ့စွမ်းအားအရင်းအမြစ်ဦးစီးဌာန အပတ်စဉ် (၃၀) သူနာပြုသင်တန်းသား/သူများ၏ မောင်မယ်သစ်လွင်ကြိုဆိုပွဲ အခမ်းအနားသို့ မကွေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အဖွဲ့ဝင်များတက်ရောက်ပြီး မကွေးမြို့ အ.ထ.က (၁)မှ ကလေး (၁၁၀)ဦးအား နေ့လည်စာအာဟာရ လှူဒါန်းကျွေးမွေးခဲ့ပါသည်။ စုစုပေါင်းလှူဒါန်းစရိတ် (၁၅၀,၀၀၀)ကျပ် ဖြစ်ပါသည်။

၂၇.၁.၂၀၂၅ ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဋ္ဌနှင့် အဖွဲ့ဝင်များသည် ပဲခူးမြို့ ရေလည်ပရိယတ္တိစာသင်တိုက်ရှိ သံဃာတော်၊ သီလရှင် အပါး(၂၀၀) ကျော်တို့အား နေ့ဆွမ်းနှင့် ၀တ္တုငွေတို့ကို သွားရောက်ကပ်လှူခဲ့ပါသည်။

၂၇.၁.၂၀၂၅ ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း(MWCDF)မှ အတွင်းရေးမှူးနှင့် ဗဟိုအလုပ်အမှုဆောင်များသည် နေပြည်တော်၊ သာဝတ္ထိမြို့၊ စမတောင် မဟာပရဟိတလူငယ်ဖွံ့ဖြိုးရေးဥယျာဉ်ရှိ ရင်ခွင်ပိုက်အရွယ်မှ တက္ကသိုလ်တက်‌ရောက်ထိ ပြုစုစောင့်ရှောက်ထားသော ကလေး (၁၁၅၀)ဦးအတွက် အလှူငွေ နှင့် ဆေးဝါးများ၊ ဆန်၊ ဆီ၊ စာရေး ကိရိယာအစုံ၊ အဝတ်အထည်များ၊ ကလေးအသုံးအဆောင်ပစ္စည်းများ၊ ကလေးကစားစရာ ပစ္စည်းအစုံများတို့အား ဆရာတော်ကြီးထံသွား‌ရောက် လှူဒါန်းခဲ့ပြီးနောက် ကလေးများ နေ့လည်စာအာဟာရအတွက် ထမင်း၊ ဘဲဥသီးစုံပဲကုလားဟင်းနှင့် ငါးနီတူကြော်များဖြင့်ကျွေးမွေးလှူဒါန်းခဲ့ပါသည်။ စုစုပေါင်းလှူဒါန်းငွေ (၈,၀၅၉,၅၀၀)ကျပ် ဖြစ်ပါသည်။