MWCDF

၁၂.၂.၂၀၂၅ ရက်နေ့တွင် နေပြည်တော် ပုဗ္ဗသီရိမြို့နယ်၊ ဝဏ္ဏဒီပရပ်ကွက် အားကစားကွင်းမှာ ကျင်းပပြုလုပ်သော ပြည်ထောင်စုနေ့အထိမ်းအမှတ် အားကစားပြိုင်ပွဲသို့ နေပြည်တော် အမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်းမှ အားကစားနည်း (၆)မျိုးကို ပထမဆု ၁၅၀၀၀/- ၊ ဒုတိယဆု ၁၀၀၀၀/- ၊ တတိယဆု ၅၀၀၀/- စသဖြင့် ဆုများချီးမြှင့်ပေးအပ်ခဲ့ပါသည်။ စုစုပေါင်း လှူဒါန်းငွေမှာ (၂၄၀,၀၀၀)ကျပ်ဖြစ်ပါသည်။  ကျား (၃၀)ဦး ၊ မ (၂၀)ဦး ဝင်ရောက်ယှဉ်ပြိုင်ခဲ့ပါသည်။

၁၁.၂.၂၀၂၅ ရက်နေ့တွင် မြန်မာနိုင်ငံ အမျိုးသမီးများနှင့်က‌လေးသူငယ်များ ဘဝမြှင့်တင်‌ရေးအသင်းမှ ဗဟိုအလုပ်အမှုဆောင် ဒေါက်တာကြူကြူအေးနှင့် သမီး မအိအိန္ဒြာဇော် တို့သည် မအိအိန္ဒြာဇော် ၂၉နှစ်ပြည့် မွေးနေ့အလှူအဖြစ် နေပြည်တော်၊ ဥတ္တရသီရိမြို့နယ်၊ (ခုတင်-၅၀၀) သားဖွားမီးယပ်အထူးကုဆေးရုံကြီးတွင် ဆေးရုံတက်ရောက်နေသော အမျိုးသမီးလူနာများ၊ လူနာစောင့်များ နေ့လည်စာ အာဟာရအတွက် ထမင်း၊ ကြက်သာဟင်း၊ အချဉ်ရည်ဟင်းတို့ကို အလှူရှင်မိသားစုက လက်ရောက်ပေးဝေလှူဒါန်းခဲ့ပြီး‌‌နောက် မွေးနေ့ရှင်မှ ဆေးရုံတက်ရောက်နေသော ချို့တဲ့လူနာရှင်(၁)ဦးကို ဆေးဝါးအတွက်အလှူငွေ(၃၀,၀၀၀)ကျပ် လှူဒါန်းပေးခဲ့ပါသည်။