Myanmar Women and Children Development Foundation
(၁၁.၁၂.၂၀၁၉)နေ့တွင် ဥတ္တရသီရိမြို့နယ်၊ အ.ထ.က(၁၂)ကျောင်း၏ “၂၀၁၉-၂၀၂၀ ပညာသင်နှစ်၊ ပညာရေး စုံညီပွဲတော်နှင့် ပညာရည်ချွန်ဆုပေးပွဲ” အခမ်းအနားသို့ အသင်းမှ အတွင်းရေးမှူးနှင့် CEC တို့ တက်ရောက်ခဲ့ပြီး ပညာရေးတွင် ထူးချွန်ပြီး ဆုရရှိသော ကျောင်းသား/ သူများအား ဆုချီးမြှင့်ခဲ့၍ ကျောင်းသား/သူများမှ သီချင်းများ၊ အကများအား ကြည့်ရှု၍ အသင်းမှ ပါဝင်လှူဒါန်းဆောက်လုပ်ခဲ့သော ကျောင်းမုန့်စားစျေး တန်းအား လှည့်လည် ကြည့်ရှုခဲ့ပါသည်။
(၁၀.၁၂.၂၀၁၉)ရက်နေ့တွင် မကွေးခရိုင်၊ အထွေထွေ အုပ်ချုပ်ရေးဦးစီးဌာနတွင်ပြုလုပ်သော ခရိုင်ကလေးသူ ငယ်အခွင့်အရေးများဆိုင်ရာကော်မတီနှင့် ခရိုင်အမျိုးသမီး ကော်မတီအစည်းအဝေး၌ မကွေးတိုင်း မြန်မာနိုင်ငံအမျိုး သမီးများနှင့်ကလေးသူငယ်များဘဝမြင့်တင်ရေးအသင်း (MWCDF)မှ အလုပ်အမှုဆောင်များ တက်ရောက်ခဲ့ပါ သည်။
(၇.၁၂.၂၀၁၉)ရက်နေ့တွင် တနင်္သာရီတိုင်းဒေသကြီး MWCDFအသင်းမှ အလုပ်အမှုဆောင်အဖွဲ့ဝင်များသည် တနင်္သာရီတိုင်းဒေသကြီး အမျိုးသမီးကော်မတီ၏ ဦးဆောင်မှုဖြင့် သင်္ဂဟပျဲန်ဒါအဖွဲ့အစည်းနှင့် ထားဝယ်မြို့၊ သရက်ချောင်းမြို့အတွင်းရှိ အရပ်ဖက်လူမှုအဖွဲ့အစည်းများပူးပေါင်းကာ မိမိဒေသအတွင်း ဂျဲန်ဒါအခြေပြု အကြမ်းဖက်မှုများ လျော့နည်းလာစေရန်၊ မတူကွဲပြားမှုများကို တန်ဖိုးထားလေးစားမှုရှိလာပြီး အပြန်အလှန် ပေါင်းစည်းလုပ်ဆောင်မှုအားကောင်းလာစေရန် ရည်ရွယ်၍ “လူ့ဘောင်ငြိမ်းချမ်းသာယာဖို့ ကွဲပြားမတူ ပေါင်းစည်းကူစို့” ဟူသောခေါင်းစဉ်ဖြင့် လူထုအမြင်ဖွင့် တိုက်တွန်းနှိုးဆော်ခြင်း အခမ်းအနားသို့ တက်ရောက်ခဲ့ပါသည်။
(၇.၁၂.၂၀၁၉)ရက်နေ့ ဒီဇင်ဘာလ လူထုအားကစားလှုပ်ရှားမှုလမ်းလျှောက်ပွဲတွင် ရန်ကုန်တိုင်းဒေသကြီး အမျိုးသမီးကော်မတီမှ အမျိုးသမီးအပေါ်အကြမ်းဖက်မှု ပပျောက်ရေး (၁၆)ရက်တာ လှုပ်ရှားမှု အထိမ်းအမှတ်အဖြစ် ပါဝင်ဆင်နွှဲရန် မြန်မာနိုင်ငံ အမျိုးသမီးများနှင့်ကလေးသူငယ်များဘဝမြှင့်တင်ရေးအသင်း(MWCDF)ရန်ကုန်တိုင်းမှ ဥက္ကဋ္ဌ၊ ဒုဥက္ကဋ္ဌ၊ အတွင်းရေးမှူးနှင့် အဖွဲ့ဝင်များအားလုံး လူထုလမ်းလျှောက်ပွဲသို့ တက်ရောက်ခဲ့ကြပါသည်။
(၄.၁၂.၂၀၁၉)နေ့တွွင် တနင်္သာရီတိုင်း၊ ကျွန်းစုမြို့နယ်၊ ပသုတ်ကျွန်းကျေးရွာရှိ MWCDFအသင်းမှ ဆိုလာအဖွဲ့ ဝင်များသည် အသင်းမှ ကျေးရွာတွင် ဆိုလာမီးတပ် ဆင် ပေးခြင်း(၁)နှစ် ပြည့် အထိမ်းအမှတ် အခြေခံပညာမူလ တန်းကျောင်းတွင် ကျောင်းသား/သူကလေးများအား အာဟာရအဖြစ် ကြာဇံချက်၊ ရေသန့်၊ ထောပတ်သီး ဖျော်ရည်နှင့် အသင်းဗလာစာအုပ်များ ပေးအပ်လှူဒါန်း ခဲ့ပါသည်။
(၅.၁၂.၂၀၁၉)ရက်နေ့တွင် တနင်္သာရီတိုင်းဒေသကြီး လူမှုဝန်ထမ်းဦးစီးဌာနမှ ထားဝယ်မြို့၌ ကျင်းပပြုလုပ် သော “၂၀၁၉ ခုနှစ် အမျိုးသမီးများ အပေါ်အကြမ်း ဖက်မှုပပျောက်ရေး (၁၆)ရက်တာ လှုပ်ရှားမှုအထိမ်း အမှတ်အခမ်းအနား” လူထုအသိ ပညာပေးပွဲသို့ တနင်္သာရီတိုင်းဒေသကြီး MWCDFအသင်း ဥက္ကဋ္ဌနှင့် CECများတက်ရောက်ခဲ့ပါသည်။ ၂၀၁၉ခုနှစ် ဆောင်ပုဒ်မှာ “အမျိုးသမီးများအပေါ် အကြမ်းဖက်မှုပပျောက်ဖို့ တွဲလက်ညီညီ ဆောင်ရွက်စို့” ဖြစ်ပါသည်။
