Myanmar Women and Children Development Foundation
၁၁.၁.၂၀၂၅ ရက်နေ့တွင် ထားဝယ်မြို့၊ အ.ထ.က(၈)ကျောင်း၏ ပညာရေးစုံညီပွဲတော်အခမ်းအနားသို့ တနင်္သာရီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဋ္ဌ နှင့် အဖွဲ့ဝင်များတက်ရောက်၍ အလှူငွေများလှူဒါန်းခဲ့ပါသည်။ စုစုပေါင်းလှူဒါန်းငွေမှာ (၃၀,၀၀၀)ကျပ်ဖြစ်ပါသည်။
၁၀.၁.၂၀၂၅ ရက်နေ့တွင် ပဲခူးတိုင်းဒေသကြီးအစိုးရအဖွဲ့ရုံး၊ တော်ဝင်ဟံသာအစည်းအဝေးခန်းမတွင် ကျင်းပသည့် ရှေးဦးအရွယ်ကလေးသူငယ် ပြုစုပျိုးထောင်ရေးနှင့်ဖွံ့ဖြိုးတိုးတက်ရေးဆိုင်ရာလုပ်ငန်း ကြီးကြပ်မှုကော်မတီအစည်းအဝေးနှင့် အမျိုးသမီးကော်မတီအစည်းအဝေးကို ပဲခူးတိုင်း အမျိုးသမီးများနှင့် ကလေးသူငယ်များဘဝမြှင့်တင်ရေးအသင်းမှ ဥက္ကဋ္ဌ တက်ရောက်ခဲ့ပါသည်။
၉.၁.၂၀၂၅ ရက်နေ့တွင် မကွေးမြို့၊ မြို့တော်ခန်းမတွင် ကျင်းပပြုလုပ်သော ကျန်းမာရေးလူ့စွမ်းအားအရင်းအမြစ်ဦးစီးဌာန ၊ သူနာပြုနှင့်သားဖွားသင်တန်းကျောင်း အပတ်စဉ်(၂၆) သူနာပြု – သားဖွားဒီပလိုမာ (၃)နှစ်သင်တန်း ( အဋ္ဌမအကြိမ်) ဒီပလိုမာအောင်လက်မှတ်ပေးအပ်နှင်းပွဲအခမ်းအနားသို့ မကွေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အတွင်းရေးမှူးနှင့် အဖွဲ့ဝင်( ၃ )ဦး တက်ရောက်ခဲ့ကြပါသည် ။
၇.၁.၂၀၂၅ ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း(ဗဟို)ရုံးချုပ်၌ပြုလုပ်သော ဘုရားအနေကဇာတင် အလှူတော်မင်္ဂလာပွဲသို့ နေပြည်တော်၊ ပုဗ္ဗသီရိမြို့နယ်၊ မရှိခဏကျောင်းတိုက်မှ ဆရာတော် နှင့် သံဃာတော်အရှင်သူမြတ်တို့ ကြွရောက်၍ ပရိတ်တရားတော်များ ရွတ်ဖတ်ပူဇော်ခဲ့ပါသည်။ ဥက္ကဋ္ဌ၊ ဒုဥက္ကဋ္ဌ၊ အတွင်းရေးမှူးနှင့် ဗဟိုအလုပ်မှုဆောင် အဖွဲ့ဝင်များက ဆရာတော်ထံမှ ငါးပါးသီလခံယူဆောက်တည်ခဲ့ကြပြီး နဝကမ္မဝတ္ထုငွေနှင့် သင်္ကန်း၊ လှူဖွယ်ပစ္စည်းများ ဆက်ကပ်လှူဒါန်းခဲ့ကြပါသည်။ လှူဒါန်းမှုအစုစုတို့အတွက် ရေစက်သွန်းချအမျှပေးဝေခဲ့ကြပြီးနောက် ဆရာတော်နှင့်သံဃာတော်အရှင်သူမြတ်များအား နေ့ဆွမ်း နှင့် အချိုပွဲများ ဆက်ကပ်လှူဒါန်းခဲ့ပါသည်။ စုစုပေါင်းလှူဒါန်းငွေ (၇)သိန်းကျပ်ဖြစ်ပါသည်။
၆.၁.၂၀၂၅ ရက်နေ့တွင် မြန်မာနိုင်ငံလုံးဆိုင်ရာ အမျိုးသမီးကော်မတီ (၁/၂၀၂၅) အစည်းအဝေးကို နေပြည်တော်ရှိ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ စုပေါင်းအစည်းအဝေးခန်းမ၌ ကျင်းပခဲ့ရာမြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဗဟိုအလုပ်အမှုဆောင် ဒေါက်တာနန္ဒာမွှန်း တက်ရောက်၍ ဆွေးနွေးခဲ့ပါသည်။
၄.၁.၂၀၂၅ ရက်နေ့တွင် (၇၇)နှစ်မြောက်လွတ်လပ်ရေးနေ့အထိမ်းအမှတ်အဖြစ် ငပုတောမြို့နယ်၊ လူမှုဝန်ထမ်းဦးစီးဌာနမှတည်ထောင်ခွင့်ပြုမိန့်ရ ကိုယ်အားကိုယ်ကိုး မူလတန်းကြိုကျောင်းတွင် ကျင်းပပြုလုပ်သည့် ရင်သွေးငယ်လေးများ၏ အားကစားပြိုင်ပွဲတွင် ဧရာဝတီတိုင်း အမျိုးသမီးများနှင့် ကလေးသူငယ်များဘဝမြှင့်တင်ရေးအသင်းမှ ဒုတိယဥက္ကဋ္ဌနှင့် အဖွဲ့ဝင်များက ကစားစရာပစ္စည်းများဝေငှခြင်းနှင့် အာဟာရကျွေးမွေးခြင်းများကို ဆောင်ရွက်ခဲ့ပါသည်။ လှူဒါန်းမှုကုန်ကျငွေ (၁)သိန်းကျပ်ဖြစ်ပါသည်။
