Myanmar Women and Children Development Foundation
၄.၁.၂၀၂၅ ရက်နေ့တွင် ပုသိမ်မြို့ကျောက်တိုင်အားကစားကွင်းတွင် ကျင်းပပြုလုပ်သည့် (၇၇)နှစ်မြောက်လွတ်လပ်ရေးနေ့ သဝဏ်လွှာဖတ်ပွဲအခမ်းအနားသို့ ဧရာဝတီတိုင်းဒေသကြီး အမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်းမှ ဘဏ္ဍာရေးမှုးနှင့် အဖွဲ့ဝင်(၃)ဦး တက်ရောက်ခဲ့ပါသည်။
၄.၁.၂၀၂၅ ရက်နေ့ ၇:၀၀ နာရီချိန်တွင် ရန်ကုန်မြို့ ပြည်သူ့ရင်ပြင်တွင် ကျင်းပပြုလုပ်သော (၇၇) နှစ်မြောက် လွတ်လပ်ရေးနေ့ သဝဏ်လွှာဖတ်ပွဲ အခမ်းအနားသို့ ရန်ကုန်တိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အမှုဆောင်နှစ်ဦး တက်ရောက်ခဲ့ပါသည်။
၄.၁.၂၀၂၅ ရက်နေ့တွင် နေပြည်တော် ပေါင်းလောင်းအားကစားကွင်း၌ ကျင်းပပြုလုပ်သော (၇၇)နှစ်မြောက် လွတ်လပ်ရေးနေ့ အထိမ်းအမှတ်အဖြစ် မသန်စွမ်းများ ပျော်ပွဲရွှင်ပွဲနှင့် အားကစားပြိုင်ပွဲ အခမ်းအနားကိုကျင်းပခဲ့ရာ နေပြည်တော် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း ဥက္ကဌ နှင့် အဖွဲ့ဝင် (၅)ဦးတို့မှ တက်ရောက်ကြည့်ရှုအားပေးပြီး ပြိုင်ပွဲဝင်များအားဆုများ ပေးအပ်ချီးမြှင့်ခဲ့ပါသည်။
၄.၁.၂၀၂၅ ရက်နေ့တွင် နေပြည်တော်၊ ဇမ္ဗူသီရိမြို့နယ်၊ ကလေးပြုစုရေးဌာန၌ ကျင်းပပြုလုပ်သော (၇၇)နှစ်မြောက် လွတ်လပ်ရေးနေ့အကြိုလှုပ်ရှားမှု အထိမ်းအမှတ်အဖြစ် လူမှုဝန်ထမ်းဦးစီးဌာန မူလတန်းကြိုကျောင်းများမှ ကလေးငယ်များပျော်ပွဲရွှင်ပွဲ အားကစားပြိုင်ပွဲ အခမ်းအနားကိုကျင်းပခဲ့ရာ နေပြည်တော် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း ဥက္ကဌမှ တက်ရောက်ကြည့်ရှုအားပေးပြီး ပြိုင်ပွဲဝင်ကလေးများအား ဆုများနှင့် မုန့်များ ပေးအပ်ချီးမြှင့်ခဲ့ပါသည်။
၃.၁.၂၀၂၅ ရက်နေ့တွင် ကရင်ပြည်နယ်ဘားအံမြို့နယ် အမက(ခွဲ) နောင်ယားဖေးကျောင်း ပညာရည်ချွန်ဆုပေးပွဲနှင့် ပညာရေးစုံညီပွဲတော် အခမ်းအနားသို့ ကရင်ပြည်နယ် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အတွင်းရေးမှူးနှင့်အဖွဲ့ဝင်များ တက်ရောက်ခဲ့ပြီး ဆုရကျောင်းသား/ သူများအား ဆုချီးမြှင့်ရန်အတွက် အလှူငွေ(၁၅၀၀၀၀)ကျပ် ချီးမြှင့်ခဲ့ပါသည်။
၃.၁.၂၀၂၅ ရက်နေ့တွင် ပဲခူးမြို့ အခြေခံပညာကျောင်းများ၏ ပညာရေးစုံညီပွဲတော်များသို့ ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အဖွဲ့ဝင်များတက်ရောက်ခဲ့ကြပြီး ဆုများလည်းချီးမြှင့်ပေးခဲ့ပါသည်။ ထို့နောက်BBS ကိုယ်ပိုင်ကျောင်းတွင် ကျင်းပသော ပညာရေးစုံညီပွဲတော်တွင် စာအုပ်စာရေးကိရိယာနှင့် သင်ထောက်ကူ ပစ္စည်းများပေးအပ်ခဲ့ပြီး ငွေကျပ်(၃)သိန်းကို ဆုရကျောင်းသား ကျောင်းသူများအား ဆုချီးမြှင့်ခဲ့ပါသည်။
