ပညာရေးထောက်ပံ့လှူဒါန်းခြင်း
(၁၀.၁၀.၂၀၂၄)ရက်နေ့တွင် ကချင်ပြည်နယ် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အဖွဲ့ဝင်များသည် မြစ်ကြီးနားမြို့ပေါ်ရှိ မူကြိုကျောင်း (၉)ကျောင်းသို့သွားရောက်၍ သင်ထောက်ကူပစ္စည်းများ ထောက်ပံ့လှူဒါန်းခဲ့ကြပါသည်။
ဝါဆိုသင်္ကန်းဆက်ကပ်လှူဒါန်းခြင်း
(၁၀.၁၀.၂၀၂၄)ရက်နေ့တွင်မြန်မာနိုင်ငံအမျိုးသမီးများနှင့်ကလေးသူငယ်များဘဝမြှင့်တင်ရေးအသင်းရုံးချုပ်၌ ဝါဆိုသင်္ကန်းဆက်ကပ်လှူဒါန်းခြင်းအခမ်းအနားကို ကျင်းပပြုလုပ်ခဲ့ရာ အခမ်းအနားတွင် ဇေယျာသီရိမြို့နယ်၊ ရတနာစံပရိယတ္တိစာသင်ကျောင်းတိုက်မှ ဆရာတော်နှင့် သံဃာတော်အရှင်သူမြတ်သို့ကြွရောက်၍ ဒုဥက္ကဌ၊ အတွင်းရေးမှူးနှင့် ဗဟိုအလုပ်အမှုဆောင်အဖွဲ့ဝင်များက ဆရာတော်ထံမှ ငါးပါးသီလခံယူဆောက်တည်ခြင်း၊ ပရိတ်တရားတော်များနာယူပြီး ဝါဆိုသင်္ကန်းနှင့် လှူဖွယ်ဝတ္ထုပစ္စည်းများ ဆက်ကပ်လှူဒါန်းပြီး ရေစက်သွန်းချအမျှပေးဝေခဲ့ကြပါသည်။
ပညာရေးထောက်ပံ့လှူဒါန်းခြင်း
(၉.၁၀.၂၀၂၄)ရက်နေ့တွင် ကရင်ပြည်နယ် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ၊ ဒုဥက္ကဌ၊ အတွင်းရေးမှူးနှင့် အသင်းအဖွဲ့ဝင်များသည် ခြံကလေးကိုယ့်အားကိုယ်ကိုးမူ ကြိုကျောင်းရှိကျောင်းသား/သူ (၃၀)ဦး၊ သုံးအိမ်စုရွာမူကြိုကျောင်းနှင့် ခြံကလေးဘုန်းကြီးကျောင်းရှိ Grade – 10,11 ကျောင်းသား/သူ (၂၁၉)ဦးအတွက် ဗလာစာအုပ်(၁၈)ဒါဇင်အားလှူဒါန်းခြင်း၊ ကစားစရာပစ္စည်းများ၊ မုန့်များ သွားရောက်ထောက်ပံ့လှူဒါန်းခဲ့ကြပါသည်။
တိုက်ပွဲရှောင်မိသားစုများအတွက် ထောက်ပံ့လှူဒါန်းခြင်း
(၉.၁၀.၂၀၂၄)ရက်နေ့တွင် မန္တလေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ၊ အတွင်းရေးမှူးနှင့် အသင်းဝင်များသည် တိုက်ပွဲရှောင်မိသားစုများအတွက် ခေါက်ဆွဲခြောက်၊ ကော်ဖီမစ်ထုတ်များ၊ ဆပ်ပြာမှုန့်များ၊ ဒန်အိုး၊ စတီးအိုး၊ စတီးချိုင့်၊ ထမင်းအုပ်၊ အနွေးထည်၊ ဂွမ်းစောင်၊ ချည်စောင်၊ ရေခွက်၊ ပန်းကန်၊ ဇွန်း၊ ခြုံတဘက်စောင်၊ ဆွဲခြင်း၊ ရေးပုံးစသည့် အသုံးဆောင်ပစ္စည်းများအား မဲဖောက်လှူဒါန်းပြီးနောက် ကျောင်းသား/သူ (၉၄)ဦးအတွက် အသင်းတံဆိပ်ပါ ဗလာစာအုပ်၊ ခဲတံများလှူဒါန်းခြင်း၊ မူကြိုကလေးများအတွက်အရုပ်စုံပါဗူးများနှင့် မုန့်များလည်းလှူဒါန်းခဲ့ကြပါသည်။
အခမ်းအနားတက်ရောက်ခြင်း
(၅.၁၀.၂၀၂၄)ရက်နေ့တွင် မကွေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ နာယကနှင့် အဖွဲ့ဝင်များသည် ကမ္ဘာ့ဆရာများနေ့အထိမ်းအမှတ်အခမ်းအနားသို့ တက်ရောက်ခဲ့ပါသည်။
ရေဘေးသင့်ပြည်သူများအား သွားရောက်ထောက်ပံ့လှူဒါန်းခြင်း
(၅.၁၀.၂၀၂၄)ရက်နေ့တွင် နေပြည်တော်တိုင်း မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းနှင့် M.Angle ပါရမီဖြည့်ဖက်ညီအစ်မများစုပေါင်း၍ တပ်ကုန်းမြို့၊ ရေဘေးသင့်မိသားစုများအတွက် ပိုက်ဖျာ၊ စောင်နှင့် အဝတ်အစားများ၊ ပဲဆီ၊ မာမားခေါက်ဆွဲခြောက်၊ ကိတ် ခြောက်၊ ငါးခြောက်ကြော်၊ ရေသန့်ဗူး၊ ရှပ်အင်္ကျီနှင့်ပုဆိုးများ၊ အမျိုးသမီးလစဉ်သုံးများ၊ ကလေးများအတွက် မုန့်၊ ပဲနို့၊ ဖိနပ်နှင့် ကစားစရာပစ္စည်းစုံပါဗူးများ၊ အိမ်ထောင်စုတစ်စုလျှင် (၂၀,၀၀၀)ကျပ်နှုန်းဖြင့် သွားရောက်ထောက်ပံ့လှူဒါန်းခဲ့ပါသည်။
