MWCDF

(၂၀.၈.၂၀၂၄)ရက်နေ့တွင် ဧရာဝတီတိုင်းဒေသကြီး အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ၊ အတွင်းရေးမှူးနှင့် အဖွဲ့ဝင်များသည် ပုသိမ်မြို့နယ်၊ ရွာသစ်ကုန်းကျေးရွာ၊ တိုက်ကြီးကုန်းကျေးရွာရှိ မူကြိုကျောင်း (၂)ကျောင်းနှင့် ပုသိမ်မြို့ပန်းဆက်ရပ်ကွက်၊ လူမှုဝန်ထမ်းက လေးပြုစုရေးဌာနရှိ ကလေးငယ်များအား အသုံးဆောင်ပစ္စည်းများ၊ ကစားစရာပစ္စည်းများ၊ မုန့်များ ကျွေးမွေးလှူဒါန်းခဲ့ပါသည်။

(၁၈.၈.၂၀၂၄)ရက်နေ့တွင် ရှမ်းပြည်နယ်(တောင်ပိုင်း) အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အဖွဲ့ဝင်များသည် တောင်ကြီးမြို့၊ အ.ထ.က (၇)ကျောင်းတွင်တက်ရောက်နေသော တိုက်ပွဲရှောင်ကျောင်းသား/သူ (၇၄)ယောက်အတွက် စာအုပ်နှင့်ဘောပင်များသွားရောက်ထောက်ပံ့ခဲ့ပြီးကလေးများအတွက် လိုအပ်လျှက်ရှိသော အထူးထုတ်စာအုပ်များ၊ G-12 ကျောင်းသား/သူများအတွက် အသင်း Logo စာအုပ်များကိုလည်း ဆက်လက်ထောက်ပံ့လှူဒါန်းခဲ့ပါသည်။