Myanmar Women and Children Development Foundation
၄. ၂. ၂၀၁၇ MWCDFအသင်းမှ မွန်ပြည်နယ်၊ ကျိုက်ထိုမြို့ နယ်၊ ချောင်းစောက်ရွာသစ်တွင် ကျေးလက်နေပြည်သူများလမ်းပန်းဆက် သွယ်ရေး အဆင်ပြေချောမွေ့စေရန် ရည်ရွယ်ချက်ဖြင့် တံတားဆောက်လုပ်လှူဒါန်းဖွင့်လှစ်ပေးခြင်း၊ ဆေးခန်းဖွင့်လှစ်ခြင်း၊ ကျန်းမာရေးစစ်ဆေးပေးခြင်းတို့ ပြုလုပ်ဆောင်ရွက်ပေးခဲ့ပါသည်။
၂၉.၁.၂၀၁၇ မန္တလေးမြို့မှ MWCDFအဖွဲ့ဝင်များသည် မန္တလေးမြို့-MIIT၌ကျင်းပပြုလုပ်သော ကလေးစာပေပွဲတော်သို့ အနာဂါတ်ရဲ့မျိုးဆက်သစ် ကျောင်းသား/သူများ ပညာ့အားမာန် ပြည့်စေရန်ရည်ရွယ်၍ ပို့ဆောင်ပေးခဲ့ပါသည်။
၂၀၁၇ခုနှစ်၊ ဖေဖော်ဝါရီလ၊ (၃)ရက်နေ့၊ နံနက်(၈း၄၅)နာရီတွင် The UK Department For International Development(DFID)မှ Mrs. Deborah Livingstone, Consultant၊ လူမှုဝန်ထမ်းဦးစီးဌာနမှ ဒုတိယညွှန်ကြားရေးမှူး ဒေါ်သန်းသန်းဝင်းနှင့် မခင်ခင်မရ(National Consultant)တို့သည် အမျိုးသမီးများ ဖွံ့ဖြိုးတိုးတက်ရေးဆိုင်ရာ အမျိုးသားအဆင့်မဟာဗျူဟာစီမံကိန်း (NSPAW)(၂၀၁၃-၂၀၂၂)အား ထိရောက်စွာအကောင်အထည်ဖော်ဆောင်ရွက်နိုင်ရန်အတွက် လမ်းပြမြေပုံဆိုင်ရာညှိနှိုင်းရေးနှင့်ပတ်သက်၍ MWCDF ရုံးချုပ်၊ နေပြည်တော်သို့လာရောက်၍ အသင်းမှ CECများနှင့် တွေ့ဆုံဆွေးနွေးခဲ့ကြပါသည်။ အသင်းမှလည်း NSPAWမှ ချမှတ်ထားသော မူဝါဒများနှင့်အညီလုပ်ဆောင်ထားခဲ့မှုများနှင့် ရှေ့ဆက်လုပ်မည့် Future Planများကို ဆွေးနွေးခဲ့ပါသည်။
၁.၂.၂၀၁၇ ကယားပြည်နယ်၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ကြီးမှူးဖွင့်လှစ်သည့် အခြေခံစက်ချုပ်သင်တန်းကို ရှားတောမြို့နယ်၊ အောင်ချမ်းသာရပ်ကွက်ရှိ ကက်သလစ်ဓမ္မရုံ၌ ဖွင့်ပွဲအခမ်းအနားကျင်ပပြုလုပ်ခဲ့ရာ မြို့နယ် MWCDFအဖွဲ့ဝင်များ တက်ရောက်ခဲ့ပါသည်။ သင်တန်းကာလ(၁)လကြာမြင့်မည်ဖြစ်ပါသည်။
၁၇.၁.၂၀၁၇ MWCDFအသင်း ဥက္ကဌ ဒေါက်တာ ဒေါ်ဝေဝေသာနှင့် ဗဟိုအလုပ်အမှုဆောင်အဖွဲ့ဝင်တို့သည် ရန်ကုန်မြို့၊ မျက်မမြင်ကျောင်းသို့သွားရောက်၍ မျက်မမြင်များ အသုံးပြုသောနာရီများ၊ ဗလာစာအုပ်များနှင့် အလှူငွေများ သွားရောက်လှူဒါန်းခဲ့ပါသည်။
(၁၉.၁.၂၀၁၇)နေ့၊ မွန်းလွဲ(၂း၀၀)နာရီတွင် Hong Kong မှ Freelance Development Project Technician, Ms. Lisa Marie Chaiသည် မွန်ပြည်နယ်၊ကျိုက်ထိုမြို့နယ်ရှိကျေးရွာများနှင့်ပတ်သက်ပြီး MWCDFနှင့်ပူးပေါင်း၍ Needs Assessment Project Proposalရေးရန်ကိစ္စအတွက် MWCDFရန်ကုန်ရုံးသို့လာရောက်၍ အသင်းမှ ဥက္ကဌ၊ CEC(၂)ဦး၊ အဖွဲ့ဝင်များနှင့် တွေ့ဆုံဆွေးနွေးခဲ့ပါသည်။
