mwcdf myanmar

14.12.2016 လားရှိုးမြို့(ရှမ်းပြည်နယ် မြောက်ပိုင်း)ရှိ MWCDFအဖွဲ့ဝင် လူငယ်များမှ “ ချစ်ခြင်းမေတ္တာဂေဟာ” သို့သွားရောက်၍ ကလေးငယ်များအား အာဟာရကျွေးမွေးခြင်းနှင့် လိုအပ်သည်များ ကူညီလှူဒါန်းပေးခဲ့ပါသည်။

၁၃.၁၂.၂၀၁၆နေ့တွင် Horizon Hotel, Nay Pyi Taw၌ ကျင်းပပြုလုပ်သော “ အရေးပေါ်အခြေအနေများတွင် အမျိုးသမီးများ၏လိုအပ်ချက်များအား ဆန်းစစ်ခြင်း လေ့လာမှုစာတမ်း” မိတ်ဆက်ပွဲအခမ်းအနားသို့ MWCDFအသင်းမှ CECများတက်ရောက်ခဲ့ပါသည်။ အခမ်းအနားတွင် ၂၀၁၅ခုနှစ်အတွင်းမြန်မာနိုင်ငံတွင်ကျရောက်ခဲ့သည့် ရေဘေးအန္တရာယ်ကြုံတွေ့ရသောအခြေအနေတွင် ကျား/မရေးရာလိုအပ်ချက်များအား လေ့လာသုံးသပ်ချက်အရ အမျိုးသမီးများသည်ဝင်ငွေရှာဖွေရာ၌ အမျိုး သားများနှင့်ဒိုးတူဘောင်ဘက်ရှာဖွေကြရသော်လည်း အိမ်ထောင့်တာဝန်နှင့်အိမ်မှု့ကိစ္စများတွင်မူ အမျိုးသားတို့၏ပါဝင်ကူညီမှုမှာ ၁၀%ခန့်သာရှိသည်ဟု ဖော်ပြထားပါ သည်။

ကယားပြည်နယ် MWCDF အသင်းအဖွဲ့မှ မောင်ဝင်းမြတ်ထူး(YLPD Batch-4)အဖွဲ့သည် လွိုင်ကော်မြို့နယ်၊ လွိုင်လင်လေးကျေးရွာအုပ်စု၊ ဝမ်ကုန်းကျေးရွာ အခြေခံပညာမူလတန်းကျောင်းရှိ ကျောင်းသား/သူ(၈၀)ဦးအား အာဟာရတိုက်ကျွေးခြင်းနှင့် ဆံပင်ညှပ်ပေးခြင်းတို့ကိုလည်း ဆောင်ရွက်ပေးခဲ့ပါသည်။

12.12.2016 နေ့တွင် MWCDF (ရုံးချုပ်)သို့ ဧည့်သည်တော် စာရေးဆရာမ ခိုင်ယဉ်မွန်(ခ)ဒေါ်ခင်မာချစ်နှင့်အဖွဲ့လာရောက်သဖြင့် အသင်းမှ အသင်း၏လုပ်ဆောင်ချက် Documentaryအားပြသခြင်း၊ အသင်းဒုတိယဥက္ကဌမှ အသင်းလုပ်ဆောင်ခဲ့သည့် မှတ်တမ်းဓါတ်ပုံများအား ရှင်းလင်းဆွေးနွေးပေးခြင်းနှင့် အမှတ်တရဓါတ်ပုံများရိုက်ကူးခဲ့ကြပါသည်။ ထို့ပြင် စာရေးဆရာမ ခိုင်ယဉ်မွန်(ခ)ဒေါ်ခင်မာချစ်နှင့်အဖွဲ့မှလည်း အလှူငွေများ ပြန်လည်ပေးအပ်လှူဒါန်းခဲ့ပါသည်။

6th,December,2016 MWCDF ရုံးချုပ် နေပြည်တော်၌ ပြုလုပ်သော Youth Leadership and Personality Development Program (Batch- 5)သင်တန်း ပဉ္စမနေ့တွင် MWCDF အသင်း CEC ဒေါ်နန်းသိင်္ဂီမြင့်မှ” Critical Thinking” ဘာသာရပ်အကြောင်း သိကောင်းစရာများ ခေါင်းစဉ်ကိုဆွေးနွေးပို့ချပေးခဲ့ပြီး သင်တန်းသား/သူများမှလည်းတက်ကြွစွာ ပါဝင်ဆွေးနွေးခဲ့သည့်အပြင် အဖွဲ့လိုက် activities များဆောင်ရွက်ခဲ့ကြပါသည်။