အထက်ပါ မျှော်မှန်းချက်ကို အကောင်အထည်ဖော် နိုင်ရန်အတွက် အောက်ပါအတိုင်း လုပ်ငန်းစဉ်များကို ချမှတ်ဆောင်ရွက်သွားမည်။
(က)မြန်မာနိုင်ငံတစ်ဝှမ်းလုံးရှိ ဘဝသက်တာ ဖူလုံမှုလိုအပ်သော အမျိုးသမီးများနှင့် ကလေးသူငယ်များ၏ ဖွံ့ဖြိုးရေးကို ဦးစားပေးဆောင်ရွက်သွားမည်။
(ခ) အမျိုးသမီးများနှင့် ကလေးသူငယ်များ အပေါ် လူမှုအသိုင်းအဝိုင်းက ခွဲခြားဆက်ဆံမှုမပြုရန်နှင့် မိမိတို့ခံစားခွင့်ရှိသော အခွင့်အရေးများကို အပြည့်အဝ ခံစားခွင့်ရရန် အလေးထားဆောင်ရွက်သွားမည်။
(ဂ) အမျိုးသမီးများနှင့် ကလေးများ၏ ဖွံ့ဖြိုးတိုးတက်ရေးကို အထိရောက်ဆုံး ပံ့ပိုးကူညီနိုင်ရန်အတွက် ရည်ရွယ်ချက်ချင်းတူညီသော အခြား ပြည်တွင်း၊ပြည်ပ လူမှုရေးအဖွဲ့အစည်းများနှင့် မိတ်ဖက် အဖွဲ့အစည်းများအဖြစ် ဆက်သွယ် ပူးပေါင်းဆောင်ရွက်သွားမည်။
(က)အမျိုးသမီးများနှင့် ကလေးသူငယ်များအတွက် ပညာရေး၊ကျန်းမာရေး၊ စီးပွားရေး၊ လူမှုရေး အထောက်အကူပြု လုပ်ငန်းများဆောင်ရွက်ရန်
(ခ)မြို့ပေါ်နှင့်ကျေးလက်ဒေသ စောင့်ရှောက်ထောက်ပံ့မှုပေးရန် လိုအပ်လျက်ရှိသော ခိုကိုးရာမဲ့ အမျိုးသမီးများနှင့် ကလေးသူငယ်များ၊ ကယ်ဆယ်ရေးစခန်းများမှ ဒုက္ခသည်များ၊ ကိုယ်လက်အင်္ဂါ ချိုံယွင်းသူ အမျိုးသမီးများနှင့် ကလေးသူငယ်များအား ဦးစားပေး ဦးတည်အုပ်စု သတ်မှတ်လျက် ပညာရေး၊ ကျန်းမာရေး၊ စီးပွားရေး၊ လူမှုရေးဆိုင်ရာ လုပ်ငန်းများ ဆောင်ရွက်ပေးခြင်း၊ထောက်ပံ့မှုပေးခြင်းဆောင်ရွက်ရန်
(ဂ)ငြိမ်းချမ်းရေးနှင့် ပြန်လည်ထူထောင်ရေး လုပ်ငန်းများဆောင်ရွက် နေသော ဒေသများရှိ အမျိုးသမီးများနှင့် ကလေးသူငယ်များ ဘဝကိုမြှင့်တင်ပေးရန်
(ဃ)အသိပညာ မြင့်မားတိုးတက်ရေးအတွက် တတ်သိပညာဆိုင်ရာ သင်တန်းများဖွင့်လှစ်ခြင်း၊ အသုံးချပညာရပ်ဖြင့် ဘဝရပ်တည်နိုင်ရေး ဆောင်ရွက်ပေးရန်
