Myanmar Women and Children Development Foundation
(၂၉.၇.၂၀၂၀)နေ့တွင် MWCDF အသင်းမှ အတွင်းရေးမှူးနှင့် CEC အဖွဲ့ဝင်များသည် ဥတ္တရသီရမြို့နယ်၊ အ.ထ.က(၁၂)ကျောင်းတွင် ဆရာ/မများနှင့်တွေ့ဆုံ၍ ကျောင်းအတွက် လိုအပ်နေသော ခြေနင်းအမှိုက်ပုံး၊ လက်ဆေးဘေဇင်နှင့် အခြားသော ပစ္စည်းများဝယ်ရန် အလှူငွေနှင့် ဗလာစာအုပ်များ၊ အကာအကွယ်ပစ္စည်းများ လှူဒါန်းခဲ့ပါသည်။
(၁၉.၇.၂၀၂၀)နေ့တွင် ကရင်ပြည်နယ် MWCDF အသင်း ဥက္ကဌနှင့် အဖွဲ့ဝင်များသည် Covid-19 ကာလ အတွင်း ဘားအံမြို့၊ သီလရှင်ကျောင်း(၃)ကျောင်းသို့ အခြေခံစားသောက်ကုန်များ၊ မြိုင်ကလေးမူကြိုကျောင်းသို့ အာဟာရအစာခြောက်ထုပ်များ၊ ကမမောင်းအနီး ထီးကျောခီး အ.မ.က ကျောင်း၊ မဲသဲခီး အ.ထ.က ကျောင်းခွဲရှိ ကျောင်းသား/သူများအား စာရေးကိရိယာများ သွားရောက်လှူဒါန်းခဲ့ပါသည်။
(၁၈.၇.၂၀၂၀)နေ့တွင် ချင်းပြည်နယ် MWCDF အသင်း ဥက္ကဌနှင့်အဖွဲ့ဝင်များသည် Covid-19 ကာလ အတွင်း ဟားခါးမြို့၊ LAKHU Children Center ကျောင်း၊ ဇိအုန်လူငယ်ဖွံ့ဖြိုးရေးပရဟိတဂေဟာ၊ ဗက်ဇသာ မသန်စွမ်းသူများဘဝ ဖွံ့ဖြိုးတိုးတက်ရေးအသင်း၊ သုခိတာရုံ သီလရှင်ကျောင်းများသို့ စားသောက်ကုန်များ၊ အကာအကွယ်ပစ္စည်းများ သွားရောက်လှူဒါန်းခဲ့ပါသည်။
(၁၁.၇.၂၀၂၀)ရက်နေ့တွင် မကွေးတိုင်း မြန်မာနိုင်ငံအမျိုးသမီးများနှင့်ကလေးသူငယ်များဘဝမြှင့်တင် ရေးအသင်း(MWCDF)မှ အလုပ်အမှုဆောင်များနှင့် အဖွဲ့ဝင်များသည် ရေနံချောင်းမြို့၊ လင်းလက်မြေ ပညာဒါန ဘုန်းတော်ကြီးသင်ပညာရေးကျောင်းသို့ သွားရောက်ကာ ဆရာတော်ထံ ဆန်(၂ )အိတ်၊ ဆီ(၂၀)ပိဿာ လှူဒါန်းပြီးနောက် ကျောင်းဝင်းအတွင်းတွင် ကျွန်းပင်၊ မယ်ဇလီ၊ စိန်ပန်းလေး၊ စိန်ပန်းကြီး၊ ဇီးဖြူပင်၊ လျှော်ဖြူ၊ ခရေပင်၊ ရေတမာပင် စုစုပေါင်းပျိုးပင်ပေါင်း(၁၃၀ )ပင်ကို စုပေါင်း စိုက်ပျိုးခဲ့ကြပါသည်။
(၇.၇.၂၀၂၀)ရက်နေ့၊ MWCDF အသင်းမှ ဒုဥက္ကဌနှင့် CEC အဖွဲ့ဝင်များသည် ဥတ္တရသီရိမြို့နယ်၊ ရတနာစံပြ(ဘ.က)ကျောင်းသို့ သွားရောက်ပြီး Covid-19 ကာလ ဖြစ်သည့်အတွက် ကျောင်းထိုင်ဆရာတော်ထံ ကျောင်းဖွင့်ကာလတွင် အသုံးပြုရန် လိုအပ်နေသော အပူချိန်တို်ငး ကိရိယာ ဝယ်ယူရန် ဝတ္ထုငွေ၊ သက်န်း၊ လှူဘွယ်ခြင်း၊ ဆိုလာ မီးအိမ်၊ ဖယောင်းတိုင်၊ လက်ဆေးဂျယ်၊ Mask များနှင့် အခြေခံစားသောက်ကုန်များ လှူဒါန်းခဲ့ပါသည်။
(၇.၇.၂၀၂၀)ရက်နေ့၊ MWCDF အသင်းမှ ဒုဥက္ကဌနှင့် CEC အဖွဲ့ဝင်များသည် Covid-19 ကာ မိုးရာသီကာလအတွင်း ပျဉ်းမနားမြို့၊ ဇေယျာရာမပရိယတ္တိစာသင်တိုက်ရှိ သီလရှင်ဆရာကြီး၊ ဆရာလေးများ ဆွမ်းဆန်တော် အလှူခံကြွရောက်ရန် ခက်ခဲမှုရှိနေသည့်အတွက် အထောက်အပံ့ဖြစ်စေရန် ရည်ရွယ်ကာ စာသင်တိုက်သို့ သွားရောက်ပြီး သီလရှင်ဆရာကြီးထံ နဝကမ္မဝတ္ထုငွေ၊ လှူဘွယ်ခြင်း၊ သီလရှင်ဝတ်စုံများ၊ ဆိုလာ မီးအိမ်၊ ဖယောင်းတိုင်၊ လက်ဆေးဂျယ်၊ Mask များ၊ လစဉ်သုံးထုပ်များနှင့် အခြေခံစားသောက်ကုန်များ လှူဒါန်း ခဲ့ပါသည်။
