လုပ်ငန်းညှိနှိုင်းအစည်းအဝေးများ

(၃.၇.၂၀၂၄)ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း မှ ဥက္ကဌနှင့် ဒုဥက္ကဌတို့သည် နေပြည်တော် MICC-2 တွင်ကျင်းပပြုလုပ်သော ၂၀၂၄ ခုနှစ် မြန်မာအမျိုးသမီးများနေ့ အခမ်းအနားကို တက်ရောက်ခဲ့ပြီး အထိမ်းအမှတ်ပြခန်းတွင် MWCDF အသင်းမှ ဝါးလက်မှုပစ္စည်းထုတ်ကုန်များ ခင်းကျင်းပြသခဲ့ပါသည်။

(၂.၇.၂၀၂၄)ရက်နေ့တွင်မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ၊ ဒုဥက္ကဌနှင့် ဗဟိုအလုပ်အမှုဆောင်များသည် ဇူလိုင်လ (၃)ရက်နေ့တွင်ကျရောက်သော မြန်မာအမျိုးသမီးများနေ့ကိုဂုဏ်ပြုကြိုဆိုသောအားဖြင့် မြန်မာနိုင်ငံလုံးဆိုင်ရာ အမျိုးသမီးကော်မတီကကြီးမှူးသော သစ်ပင်စိုက်ပျိုးပွဲအခမ်းအနားကို တက်ရောက်စိုက်ပျိုးခဲ့ပါသည်။

(၁.၇.၂၀၂၄)ရက်နေ့တွင်မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဗဟိုအလုပ်အမှုဆောင်များနှင့် နေပြည်တော်တိုင်းအသင်းမှ အဖွဲ့ဝင်များသည် ဇူလိုင်လ (၃)ရက်နေ့ တွင်ကျရောက်သော မြန်မာအမျိုးသမီးများနေ့ကိုဂုဏ်ပြုကြိုဆိုသောအားဖြင့် မြန်မာနိုင်ငံလုံးဆိုင်ရာ အမျိုးသမီးကော်မတီကကြီးမှူး၍ မြန်မာနိုင်ငံအမျိုးသမီးရေးရာအဖွဲ့ချုပ်မှစီစဉ်တင်ဆက်သော “ခေတ်ပြိုင်ဆင်ယင်၊ ယဉ်ကျေးအသွင်၊ တင့်တယ်ခြယ်သ မြန်မာအမျိုးသမီးများအလှ” ဝတ်စားဆင်ယင်မှုပြပွဲနှင့် ပဒေသာကပွဲ အခမ်းအနားသို့ တက်ရောက်ခဲ့ပါသည်။

(၃၀.၆.၂၀၂၄)ရက်နေ့တွင် ဧရာဝတီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အတွင်းရေးမှူးသည် ပုသိမ်ခရိုင်၊ အထွေထွေအုပ်ချုပ်ရေးမှူးရုံး၌ကျင်းပပြုလုပ်သော ခရိုင်အမျိုးသမီးကော်မတီ အစည်းအဝေးကို တက်ရောက်ခဲ့ပါသည်။

(၂၆.၆.၂၀၂၄)ရက်နေ့တွင် နေပြည်တော် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အလုပ်အမှုဆောင်များသည် နေပြည်တော်ကောင်စီရုံး ဇမ္ဗူသီရိခန်းမတွင်ကျင်းပပြုလုပ်သော အပြည်ပြည်ဆိုင်ရာ မူးယစ်ဆေးဝါးအလွဲသုံးစားမှုနှင့် တရားမဝင်ရောင်းဝယ်မှုတိုက်ဖျက်ရေးနေ့ အခမ်းအနားကို တက်ရောက်ခဲ့ပါသည်။

(၂၅.၆.၂၀၂၄)ရက်နေ့တွင် မွန်ပြည်နယ် အမျိုးသမီးများနှင့်ကလေးသူငယ်များ  ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင်များသည် မြန်မာအမျိုးသမီးများနေ့ကို ကြိုဆိုဂုဏ်ပြုသောအားဖြင့် မွန်ပြည်နယ် အားကစားဝန်ကြီးဦးစီးဌာနနှင့် မွန်ပြည်နယ် အမျိုးသမီးကော်မတီတို့ ပူးပေါင်းဆင်နွှဲသည့် ကိုယ်ကာယကြံ့ခိုင်ရေး အားကစားလှုပ်ရှားမှုအခမ်းအနားကို သွားရောက်အားပေးခဲ့ပါသည်။