Myanmar

၉. ၂.၂၀၁၇ MWCDF အသင်းမှ CECနှင့်အဖွဲ့ဝင်များသည် “ မြန်မာနိုင်ငံကလေးများနေ့” ကြိုဆိုဂုဏ်ပြုသောအားဖြင့် ဥတ္တရသီရိမြို့နယ်၊ သဲကျွန်းကျေးရွာ ရတနာစံပြ (ဘ.က)ကျောင်းသို့သွားရောက်၍ ကျောင်းထိုင်ဆရာတော်အား သင်္ကန်းနှင့် ဝတ္တုငွေများ ဆက်ကပ်လှူဒါန်းခဲ့ပါသည်။ ဆက်လက်၍ မူလတန်းမှ အလယ်တန်းထိ ပညာသင်ကြားနေသော ကျောင်းသား/ကျောင်းသူ (၃၃၂)ဦးအား ပြည်သူ့နီတိတွင်ပါဝင်သည့် လိုက်နာကျင့်သုံးရမည့်အချက်များ၊ သိကောင်းစရာများကို အသင်း၏တွဲဘက်အတွင်းရေးမှူးမှ ရှင်းလင်းပြောကြားခဲ့ပြီး မေးခွန်းများမေးမြန်းရာ ဖြေဆိုနိုင်သည့် ကျောင်းသား/သူများအား ဆုများပေးအပ်ချီးမြှင့်ခဲ့ပါသည်။ ထို့နောက် MWCDF အသင်းမှ CECနှင့်အဖွဲ့ဝင်များသည် ကျောင်းသား/ကျောင်းသူ(၃၃၂)ဦးအား ခေါက်ဆွဲကြော်များ ကျွေးမွေးခဲ့ကြပါသည်။

၈.၂.၂၀၁၇ MWCDFအသင်းမှ CECများနှင့်အဖွဲ့ဝင်များသည် မြန်မာနိုင်ငံအမျိုးသားလူ့အခွင့်အရေးကော်မရှင်နှင့် မြန်မာနိုင်ငံအမျိုးသမီးရေးရာအဖွဲ့ချုပ်တို့ပူးပေါင်း၍ ဖွင့်လှစ်သော Human Rights Training Workshop ဒုတိယနေ့တွင် အုပ်စုဖွဲ့ပါဝင်ဆွေးနွေးခဲ့ပါသည်။ သင်တန်းဆင်းအခမ်းအနားတွင် MWAF ဒုတိယဥက္ကဌမှ သင်တန်းဆင်းအမှာစကားပြောကြားခဲ့ပြီး သင်တန်းဆင်းလက်မှတ်များလည်း ပေးအပ်ခဲ့ပါသည်။

၇.၂.၂၀၁၇ MWCDFအသင်းမှ CECနှင့်အဖွဲ့ဝင်များသည် မြန်မာနိုင်ငံအမျိုးသားလူ့အခွင့်အရေးကော်မရှင်နှင့် မြန်မာနိုင်ငံအမျိုးသမီးရေးရာအဖွဲ့ချုပ်တို့ပူးပေါင်း၍ ဖွင့်လှစ်သော Human Rights Training Workshop ပထမနေ့တွင် ပါဝင်လေ့လာဆွေးနွေးခဲ့ပါသည်။

မြန်မာနိုင်ငံအမျိုးသားလူ့အခွင့်အရေးကော်မရှင်နှင့် မြန်မာနိုင်ငံအမျိုးသမီးရေးရာအဖွဲ့ချုပ်တို့ပူးပေါင်း၍ (၇.၂.၂၀၁၇ မှ ၈. ၂. ၂၀၁၇ ထိ) (၂)ရက်ကြာ ဖွင့်လှစ်သော Human Rights Training Workshop ဖွင့်ပွဲအခမ်းအနားသို့ MWCDFအသင်းမှ CECနှင့် အဖွဲ့ဝင်များတက်ရောက်ခဲ့ပါသည်။