ညာတလူးကျေးရွာ၊ မူလတန်းလွန်ကျောင်း ကျောင်းဆောင်သစ်ဖွင့်ပွဲနှင့် ပညာရေးဝန်ကြီးဌာနသို့ လွှဲပြောင်းပေးအပ်ပွဲအခမ်းအနား

(၂၂.၁.၂၀၁၉)နေ့တွင် MWCDF အသင်းဥက္ကဋ္ဌနှင့် CEC များသည် တောင်ငူမြို့နယ်၊ ဇီးကုန်းအုပ်စု၊ ညာတလူးကျေးရွာမူလတန်းလွန်ကျောင်းသို့ နံနက်(ဝရး၃၅)အချိန်ရောက်ရှိပြီး အသင်းနှင့် Sowers Action တို့ ပူးပေါင်း၍ ဆောက်လုပ်လှူဒါန်းခဲ့သော ( ၁၀၀’ x ၃၀’ )တစ်ထပ် ကျောင်းဆောင်သစ်ဖွင့်ပွဲနှင့် ပညာရေးဝန်ကြီးဌာနသို့ လွှဲပြောင်းပေးအပ်ပွဲ အခမ်းအနားသို့ တက်ရောက်ခဲ့ပါသည်။
အခမ်းအနားတွင် အသင်းဥက္ကဋ္ဌ၊ ခရိုင်ပညာရေးမှူးနှင့် မြို့နယ်အုပ်ချုပ်ရေးမှူးတို့မှ ဖဲကြိုးဖြတ်ဖွင့်လှစ်ပေးပြီး အသင်းဥက္ကဋ္ဌနှင့် ခရိုင်ပညာရေးမှူး၊ ကျောင်းကော်မတီတာဝန်ရှိသူတို့မှ အမှာစကားပြောကြားခဲ့ကာ အသင်းမှ ကျောင်းအတွက် အလှူငွေ-(၅၀၀,၀၀၀)ကျပ်နှင့် ကျောင်းဝတ်စုံများ၊ စာရေးကရိယာများ၊ ပြက္ခဒိန်များ ပေးအပ်လှူဒါန်းခဲ့ပြီး ကျောင်းသား/သူကလေးများအား မုန့်များပေးဝေခဲ့ပါသည်။