MWCDF

၃၁.၁၂.၂၀၁၆ မြန်မာနိုင်ငံ အမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်း(MWCDF) အသင်းမှ CECနှင့်အဖွဲ့ဝင်များသည် ဥတ္တရသီရိမြို့နယ် မအူလေးပင်ကျေးရွာသို့သွားရောက်ကာ ကျေးရွာအဖွဲ့ဝင်များနှင့်တွေ့ဆုံခြင်း၊ MWCDF အသင်းမှ ပညာ့မဏ္ဍိုင်စာကြည့်တိုက်အတွက် လစဉ်ထုတ်စာအုပ်များ၊ မဂ္ဂဇင်းများဝယ်ယူရန် ထောက်ပံ့ငွေများပေးအပ်ခဲ့ပါသည်။

၃၁.၁၂.၂၀၁၆ မြန်မာနိုင်ငံ အမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်း(MWCDF)မှ CECများနှင့် အဖွဲ့ဝင်များသည် ဥတ္တရသီရိမြို့နယ်၊ မင်းကုန်းအုပ်စု၊ သဲကျွန်းကျေးရွာ၊ ရတနာစံပြကျောင်းတိုက် “ အမှတ်(၅)ဘုန်းတော်ကြီးသင်အခြေခံပညာမူလတန်းလွန်ကျောင်းဖွင့်ပွဲအခမ်းအနား” သို့ တက်ရောက်ခဲ့ပြီး ကျောင်းထိုင် ဆရာတော်အား လှူဘွယ်ပစ္စည်းများ ဆက်ကပ်လှူဒါန်းခဲ့ပါသည်။ ၎င်းအခမ်းအနားတွင် မြဝတီရုပ်မြင်သံကြားရိုက်ကူးရေးအဖွဲ့မှ MWCDFအသင်း၏လှူဒါန်းမှုများတွင် ရတနာစံပြကျောင်းတိုက်၌ လှူဒါန်းပေးထားသည့်မှတ်တမ်းများတွေ့ရှိရသည့်အတွက် MWCDFအသင်း၏ လုပ်ငန်းစဉ်များနှင့် ကူညီလှူဒါန်းနေမှုများအား မေးမြန်းရာ MWCDF အသင်း တွဲဘက်အတွင်းရေးမှူးမှ MWCDFအသင်း၏ ” လုံခြုံလှပဘဝများ အမျိုးသမီးနှင့် ကလေးတိုင်းရစေသား” ဆိုသည့် ဆောင်ပုဒ်နဲ့အညီ လိုအပ်နေသောဒေသများတွင် ပညာရေး၊

၃၀.၁၂.၂၀၁၆ မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း(MWCDF)၏ လစဉ်လှူဒါန်းမှုတခုဖြစ်သော သန်လျင်မြို့၊ ခေမာရာမသီလရှင်စာသင်တိုက်နှင့် ပရဟိတကျောင်းသို့ ဆန်၊ ဆီ၊ ကြက်သွန်၊ ဗလာစာအုပ်၊ စာရေးကရိယာ၊ ကျောင်းဝတ်စုံများ၊ သီလရှင်ဝတ်စုံများနှင့် လစဉ်အလှူငွေများ အစရှိသည်တို့ကို သွားရောက်လှူဒါန်းခဲ့ပါသည်။ ဤကဲ့သို့ လှူဒါန်းနိုင်ရန်အတွက် အသင်းသို့ ထည့်ဝင်ကူညီလှူဒါန်းပေးကြသော အလှူရှင်များအားလည်း အသင်းမှ ကျေးဇူးအထူးပင်တင်ရှိပါသည်။

၃၀.၁၂.၂၀၁၆ နေပြည်တော်၊ သင်္ဂဟဟိုတယ်၌ ကျင်းပပြုလုပ်သော” ငြိမ်းချမ်းရေးဖြစ်စဉ်နှင့် ဒီမိုကရေစီပြောင်းလဲနိုင်စွမ်းရှိသော အမျိုးသမီးများ “ ညှိနှိုင်းဆွေးနွေးပွဲအခမ်းအနားသို့ MWCDFအသင်းမှ CECများနှင့် အဖွဲ့ဝင်များ တက်ရောက်ခဲ့ကြပါသည်။

၂၇.၁၂.၂၀၁၆ မြဝတီရုပ်မြင်သံကြားရိုက်ကူးရေးအဖွဲ့မှ နှစ်သစ်ဆုမွန်ကောင်းအစီအစဉ် ထုတ်လွှင့်ရန်ရည်ရွယ်၍ ရိုက်ကူးရေးအစီအစဉ်ပြုလုပ်လိုပါသဖြင့် MWCDF အသင်းသို့ လာရောက်တွေ့ဆုံခဲ့ပါသည်။ MWCDF အသင်းဥက္ကဋ္ဌမှအသင်း၏ကိုယ်စား ၂၀၁၇ခုနှစ်၊ နှစ်သစ်မင်္ဂလာဆုမွန်စကားပြောကြားပေးခဲ့ပါသည်။ ဥက္ကဌ၏ နှစ်သစ်မင်္ဂလာဆုမွန်လွှာ မြန်မာနိုင်ငံအမျိုးသမီးများနှင့် ကလေးသူငယ်များဘဝမြှင့်တင်ရေးအသင်း(MWCDF)၏ “လုံခြုံလှပဘဝများအမျိုးသမီးနှင့်ကလေးတိုင်းရစေသား” ဆောင်ပုဒ်နှင့်အညီအမျိုးသမီးများနှင့်ကလေးသူငယ်များအပြင် ပြည်သူလူထုတစ်ရပ်လုံးလုံခြုံစိတ်ချဘဝများမှာ အေးချမ်းပျော်ရွှင်စွာနေထိုင်နိုင်ကြဖို့အတွက် တစ်ဖက်တစ်လမ်းမှ ဝိုင်းဝန်းကူညီဆောင်ရွက်ပေးခဲ့ပါတယ်။ လာမယ့်နှစ်သစ်မှာလည်း ယခုနှစ်တွေထက်ပိုပြီးအကောင်းဆုံးဝိုင်းဝန်းကြိုးပမ်းဆောင်ရွက်သွားပါမယ်။ ၂၀၁၇ခုနှစ် နှစ်သစ်မှာ မြန်မာနိုင်ငံသူ/သားများအားလုံး စိတ်၏ချမ်းသာခြင်း၊ ကိုယ်၏ကျန်းမာခြင်းနှင့်ပြည့်စုံပြီး ကောင်းကျိုးလိုအင်ဆန္ဒများ ပြည့်ဝကြပါစေ၊ ငြိမ်းချမ်းရေးလည်းအမြန်ရပါစေလို့ ဆုမွန်ကောင်းတောင်းပေးလိုက်ပါတယ်။

(၂၇.၁၂.၂၀၁၆) လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဝန်ကြီးရုံးစုပေါင်းခန်းမတွင် ကျင်းပပြုလုပ်သော မြန်မာနိုင်ငံလုံးဆိုင်ရာအမျိုးသမီးရေးရာကော်မတီ(၁/၂၀၁၆)နှင့် ကလေးသူငယ်အခွင့်အရေးများဆိုင်ရာ အမျိုးသားကော်မတီ (၁/၂၀၁၆)အစည်းအဝေးသို့ MWCDFအသင်းမှ ဥက္ကဌဒေါက်တာဒေါ်ဝေဝေသာ တက်ရောက်ပါဝင်ဆွေးနွေးခဲ့ပါသည်။