ပညာရေး

(၁၀.၁၀.၂၀၁၉)ရက်နေ့တွင်မြန်မာနိုင်ငံအမျိုးသမီးများနှင့် ကလေးသူငယ်များဘဝမြှင့်တင်ရေးအသင်း(MWCDF)နှင့် Sowers Action တို့ပူးပေါင်း၍ ကရင်ပြည်နယ်နှင့် မွန်ပြည်နယ် တို့ရှိ လျှပ်စစ်မီးမရှိနိုင်သေးသော စာသင်ကျောင်းများအတွက် ဆိုလာမီးများလှူဒါန်းပွဲကို ကရင်ပြည်နယ်၊ ဘားအံမြို့၊ အ.ထ.က(၄)ကျောင်း၌ ကျင်းပပြုလုပ်ခဲ့ပါသည်။ အဆိုပါ လှူဒါန်းပွဲကို ကရင်ပြည်နယ် အစိုးရ လူမှုရေးဝန်ကြီး၊ ကရင်ပြည်နယ် ပညာရေးမှူး၊ ဗဟိုMWCDFအသင်းမှ တွဲဘက်အတွင်းရေးမှူး နှင့်အဖွဲ့ဝင်များ၊ ကရင်ပြည်နယ်(MWCDF) ဉက္ကဌ နှင့် အလုပ်အမှုဆောင်များ၊ မွန်ပြည်နယ် (MWCDF) ဉက္ကဌ နှင့် အလုပ်အမှု ဆောင်များ၊ ဖိတ်ကြားထားသော ဆရာ၊ ဆရာမများ တက်ရောက်ခဲ့ကြပါသည်။ ထို့နောက်

(၁၀.၁၀.၂၀၁၉)ရက်နေ့တွင် မကွေးတိုင်း MWCDFအသင်းနှင့် ဟောင်ကောင်နိုင်ငံမှ Sowers Action အလှူရှင်များပူးပေါင်း၍ မကွေးတိုင်း၊ မြင်းကင်း မူလွန်ကျောင်းအတွက်Solar Pump(ဆိုလာပန့် )စက်ရေတွင်း တူးဖော်လှူဒါန်းပြီး ကျောင်းအဖွဲ့အစည်းထံ လွှဲပြောင်း ပေးအပ်ပွဲအခမ်းအနားကို MWCDF အသင်းဗဟိုမှ ဒေါက်တာနန္ဒာမွှန်း(CEC) ဖဲကြိုးဖြတ်ဖွင့်လှစ်ပေးခဲ့ပါသည်။

(၉.၁၀.၂၀၁၉)ရက်နေ့တွင် ရန်ကုန်တိုင်း MWCDFအသင်း ဥက္ကဋ္ဌ နှင့်အလုပ်အမှုဆောင်များသည် တောင်ဥက္ကလာပ မြို့နယ် မြင်သာမြို့ဦးစေတီ ဘုန်းတော်ကြီး သင်ပညာ ရေးကျောင်းတွင် ပညာသင်ကြားနေသော ရှင်သာမဏေ များ သီလရှင်များ နှင့် ကျောင်းသား/သူ (၁၈၀၀)ဦး တို့အား ပညာသင် ထောက်ပံ့ခြင်း အစီအစဉ်ဖြင့် စာအုပ် (၁၀၀)ဒါဇင်၊ ဘောပင် ၊ ခဲတံ နှင့် ဆွမ်းဆန်တော်(၂)အိတ် တို့ကို သွားရောက် လှူဒါန်းခဲ့ပါသည်။

(၉-၁၀-၂၀၁၉)ရက်နေ့ နေ့လည်(၂:၀၀)နာရီအချိန်တွင် မြန်မာနိုင်ငံအမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်း(MWCDF)(ကယားပြည်နယ်) ပြည်နယ်အတွင်းရေးမှူး ဒေါ်ဝင့်ဝင့်ထွေး ဦးဆောင်သော အဖွဲ့မှ အဖွဲ့ဝင်များလိုက်ပါလျှက် လွိုင်ကော်မြို့နယ် ကုန်းသာကျေးရွာအုပ်စု ပီကင်းကောခူရွာရှိ ပီကင်းကောခူ အခြေခံပညာမူလတန်းကျောင်းသို့ ကျောင်းသူ/ ကျောင်းသား (၂၃၀)ဦးအား အာဟာရနှင့် နွမ်းပါး ကျောင်းသူ/သားများအတွက် ဗလာစာအုပ်(၁၀)ဒါဇင် သွားရောက် လှူဒါန်းခဲ့ကြပါသည်။

(၂၆.၉.၂၀၁၉)ရက်နေ့တွင် ကံကော်ရိပ်(ဒိုက်ဦးမြို့နယ် အောင်ချက် ပထမဆုရ) ကိုယ်ပိုင်အထက်တန်းကျောင်း၌မြန်မာနိုင်ငံအမျိုးသမီးများနှင့်ကလေးသူငယ်များဘဝမြှင့်တင်ရေးအသင်း ပဲခူးတိုင်းဒေသကြီးဥက္ကဌ ဒေါ်ခင်ဝတ်ရည် (ဝတ်ရည်ခင် ပဲခူး)က ကလေးသူငယ်များ ဘဝမြှင့်တင်ရေး အသိပညာပေးဟောပြောပွဲကို “ လုံခြုံလှပဘဝများ အားလုံးရစေသား” ခေါင်းစဉ်ဖြင့် ကျောင်းသား/သူများ အား ဟောပြောခဲ့ပါသည်။ အခမ်းအနားတွင် စာကြည့်တိုက်အတွက် စာအုပ်များကိုလည်း လှူဒါန်းခဲ့ပါသည်။

(၁၅.၉.၂၀၁၉)ရက်နေ့တွင် မြန်မာနိုင်ငံအမျိုးသမီးများနှင့်ကလေးသူငယ်များဘဝမြှင့်တင်ရေးအသင်းနှင့် မိတ်ဘက်အဖွဲ့အစည်းဖြစ်သော ဟောင်ကောင်နိုင်ငံ Sowers Action တို့ပူးပေါင်း၍ မကွေးတိုင်း၊ မြင်းကင်း မူလွန်ကျောင်း၌ ဆိုလာမီးတပ်ဆင်ခြင်းနှင့် ဆိုလာပန့် တပ်ဆင် လှူဒါန်းခြင်းတွင် ဟောင်ကောင်နိုင်ငံ Sowers Action မှ တာဝန်ရှိသူများနှင့် မကွေးတိုင်း MWCDF အဖွဲ့ ဝင်များမှ တတက်တအား ပါဝင်ဆောင်ရွက်ခဲ့ကြပါသည်။