(၃၃)ကြိမ်မြောက် CEC Meeting
(၂၉.၁၁.၂၀၁၈)နေ့တွင် နေပြည်တော်၊ MWCDF (ရုံးချုပ်)၌ အသင်း၏(၃၃)ကြိမ်မြောက် ဗဟိုအလုပ် အမှုဆောင်လုပ်ငန်းညှိနှိုင်းအစည်းအဝေး ကျင်းပပြုလုပ်ခဲ့ပါသည်။
(၃)မြွာပူးမွေးဖွားမိခင်နှင့်ကလေးအား သွားရောက်ထောက်ပံ့ခြင်း
(၂၈.၁၁.၂၀၁၈)နေ့တွင် MWCDF အသင်း မှ CEC များသည် နေပြည်တော်၊ ဥတ္တရသီရိမြို့နယ်၊ ကလေးဆေးရုံကြီးတွင် စစ်ကိုင်းတိုင်း၊ ယင်းမာပင်မြို့မှ တက်ရောက်ကုသနေသော သုံးမြွာပူးမွေးဖွားမိခင်နှင့် ကလေးငယ်အား အသင်းမှ အလှူငွေ- (၅၀,၀၀၀)ကျပ်နှင့် အဝတ်အထည်များ သွားရောက်ထောက်ပ့ံလှူဒါန်းခဲ့ပါသည်။
ကျောင်းသား/သူများအတွက် Talk Show ပြိုင်ပွဲပြုလုပ်ပေးခြင်း
(၆.၅.၂၀၁၈)နေ့တွင် MWCDF(ရုံးချုပ်)၊ နေပြည်တော်၌ ဖွင့်လှစ်သင်ကြားပေးလျက်ရှိသော နွေရာသီအင်္ဂလိပ်စာ(Elementary Level) သင်တန်းတွင် တက်ရောက်နေသည့် ကျောင်းသား/သူများအား Talk show ပြိုင်ပွဲ ကျင်းပပြုလုပ်ပေးခဲ့ပါသည်။ Talk Show ပြိုင်ပွဲတွင် ကျောင်းသား/သူ(၅)ဦး ဆုရရှိခဲ့ပါသည်- ပြိုင်ပွဲတွင်ဆုရရှိသူများမှာ – ပထမဆု-မဝိုင်းထက်ထက်အောင် ဒုတိယဆု- မဟေသာညိုစင် တတိယဆု-မဇင်ဇင်စိုး စတုတ္ထဆု – မသိမ့်သိမ့်သူ ပဥ္စမဆု – မသိရိနန်းစံ ဖြစ်ပြီးအသင်း CECများမှ အကဲဖြတ်အမှတ်ပေးကာ ဆရာဦးမင်းစိုသူရမှ ဆုများ ချီးမြှင့်ပေးခဲ့ပါသည်။
အသင်းရုံး၌အန္တရာယ်ကင်းပရိတ်တရားတော်နာယူခြင်း
(၃.၅.၂၀၁၇)နေ့တွင် MWCDF မိသားစုများစုပေါင်း၍ MWCDFရုံးချုပ်၊ ကုမုဒြာခန်းမ၌ သံဃာတော်အရှင်မြတ်တို့အားပင့်ဖိတ်ကာ အန္တရာယ်ကင်းပရိတ်တရားတော်နာယူပြီး သံဃာတော်အရှင်မြတ်တို့အား နေ့ဆွမ်းဆက်ကပ်လှူဒါန်းခြင်းနှင့် လှူဘွယ်ဝတ္ထုပစ္စည်းများ ဆက်ကပ် လှူဒါန်းခဲ့ပါသည်။ လှူဒါန်းမှုများအား နတ် လူ အများ ဝမ်းမြောက် နုမော် သာဓုခေါ်ဆိုနိုင်ကြပါစေသော်
Opening Ceremony Women’s dormitories at Aye Myitta San
